Дзярэзка
| Дзярэзка | |||||||||||||||
 Дзярэзка заліўная (Lycopodiella inundata) | |||||||||||||||
| Навуковая класіфікацыя | |||||||||||||||
|---|---|---|---|---|---|---|---|---|---|---|---|---|---|---|---|
| |||||||||||||||
| Міжнародная навуковая назва | |||||||||||||||
|
Lycopodiella Holub | |||||||||||||||
| Віды | |||||||||||||||
| |||||||||||||||
Дзярэзка, лікападыела (Lycopodiella) — род вышэйшых споравых раслін сямейства Дзеразовыя (Lycopodiaceae).
Апісанне
[правіць | правіць зыходнік]Малалетнія вечназялёныя травяністыя расліны з анізатомна галінаванымі парасткамі: доўгімі паўзучымі па паверхні глебы і ўкараняльнымі, шчыльна прылеглымі да субстрату галінаванымі плагіятропнымі вегетатыўнымі парасткамі, ад якіх адыходзяць неразгалінаваныя прамастаячыя генератыўныя парасткі, звычайна з адным спараносным коласам на верхавіне. Вегетатыўнае лісце зялёнае, лінейна-ланцэтнае, густа размешчанае. Спарафілы з яйцападобна пашыранай асновай, зубчастыя, звужаныя ў ланцэтны кончык. Спараносныя каласкі (стробілы) сядзячыя, маладыя каласкі часта слаба адмежаваныя ад вегетатыўнай часткі парасткаў, больш выразна адмяжоўваюцца па меры выспявання спор. Спарангіі папярочна-авальныя, жоўтыя, размяшчаюцца ў аснове спарафілаў. Споры шматлікія, светла-жоўтыя, з няясна выяўленай сеткаватай паверхняй.
Гаметафіт часткова надземны, зялёны, асімілявальны, кароткажывучы, даўжынёй 2,5–3,5 мм, да 5 мм у дыяметры, з цыліндрычнай або рэпападобнай падземнай часткай і плоскараспасцёртымі, зялёнымі асімілюючымі лопасцямі ў дыскападобнай надземнай гаметангіяльнай зоне. Маладыя, 6–8‑клетачныя гаметафіты могуць упадаць у стан спакою і дасягаць спеласці праз 10 гадоў. Пасля апладнення ўтвараецца падобная да споры, акружаная тоўстай абалонкай зігота, якая пасля перыяду спакою ці выжывання ў неспрыяльных умовах можа развівацца і даваць пачатак новаму спарафіту.
Пашырэнне
[правіць | правіць зыходнік]Каля 15 відаў пашыраны пераважна ў трапічнай і ўмеранай зонах Паўночнай і Паўднёвай Амерыкі. Дзярэзка заліўная (Lycopodiella inundata) распаўсюджана ва ўмеранай зоне Паўночнага паўшар’я, расце на вільготных грунтавых агаленнях з парушаным травяным покрывам, часцей за ўсё на пясчаных з заглейваннем глебах або па краях тарфяных балот, на Беларусі спараносіць у ліпені—верасні.
Віды
[правіць | правіць зыходнік]Па інфармацыі базы дадзеных The Plant List (на ліпень 2016) род уключае 30 відаў[1]:
- Lycopodiella affinis
- Lycopodiella alopecuroides
- Lycopodiella andicola
- Lycopodiella appressa
- Lycopodiella bigelowii
- Lycopodiella bradei
- Lycopodiella × brucei
- Lycopodiella caroliniana
- Lycopodiella cernua
- Lycopodiella contexta
- Lycopodiella × copelandii
- Lycopodiella descendens
- Lycopodiella diffusa
- Lycopodiella geometra
- Lycopodiella glaucescens
- Lycopodiella inundata — Дзярэзка заліўная
- Lycopodiella iuliformis
- Lycopodiella lateralis
- Lycopodiella longipes
- Lycopodiella maniculata
- Lycopodiella margueritae
- Lycopodiella matthewsii
- Lycopodiella pendulina
- Lycopodiella prostrata
- Lycopodiella ramulosa
- Lycopodiella riofrioi
- Lycopodiella serpentina
- Lycopodiella steyermarkii
- Lycopodiella subappressa
- Lycopodiella trianae
Выкарыстанне
[правіць | правіць зыходнік]Лекавая расліна. Споры могуць быць выкарыстаны аналагічна спорам дзеразы, спінулюму, дыфазіястру.
Крыніцы
[правіць | правіць зыходнік]- ↑ Lycopodiella (англ.). The Plant List. Version 1.1. (9 мая 2013). Праверана 28 ліпеня 2016.
Спасылкі
[правіць | правіць зыходнік]- ДЗЯРЭЗКА на сайце анлайн-энцыклапедыі «Беларуская энцыклапедыя»
Слоўнікі і энцыклапедыі | |
|---|---|
| Таксанамія | APNI · EOL · GBIF · iNaturalist · iNaturalist · IPNI · IRMNG · ITIS TSN · NCBI · POWO · Tropicos · WFO · Флора Кітая |
| Нарматыўны кантроль | Microsoft: 2779850634 |
