Зялёныя азёры

З пляцоўкі Вікіпедыя
Jump to navigation Jump to search
Возера Бальсіс

Зялёныя азёры — шэсць азёр, размешчаных у паўночна-ўсходняй частцы Вільнюса, у Вяркейскім рэгіянальным парку.

Азёры маюць ледавіковае паходжанне, вельмі глыбокія. Азёры адрозніваюцца непаўторным ярка-зялёным колерам з-за высокага зместу карбанатаў у вадзе. Азёры атачаюць крутыя лясістыя ўзгоркі вышынёй да 40 метраў над вадой, амаль такую ж глыбіню маюць самі азёры. Азёры ўтварыліся ад раставання ледавікоў каля 18 тысяч гадоў таму. 

Самае вялікае возера, аточанае густымі лясамі, завецца Бальсіс (плошча 55 га). Назвы астатніх пяці: Гульбінас (36,8 га), Мажасіс Гульбінас (10,4 га), Акіс, Райстэліс (1 га), Бараукас Акіс.

Вакол азёр пракладзены роварныя сцежкі, а на беразе ўладкаваны гарадскія пляжы, так што яны ў кожную пару года з’яўляюцца месцам адпачынку. Азёры цікавыя і тым, што на іх берагах расце мноства цікавых раслін, у тым ліку такіх рэдкіх для Літвы, як балацяныя архідэі.