Керым Курбаннепесаў

Керым Курбаннепесаў
Керым Курбаннепесаў
	(туркм.: Kerim Gurbannepesow)
Род дзейнасці	паэт, пісьменнік, журналіст, перакладчык
Дата нараджэння	18 кастрычніка 1929
Месца нараджэння	Гёкдэпэ[d], Гёкдэпінскі этрап[d], Туркменская Савецкая Сацыялістычная Рэспубліка, СССР;
Дата смерці	1 верасня 1988 (58 гадоў)
Месца смерці	Ашгабат, Туркменская Савецкая Сацыялістычная Рэспубліка, СССР;
Грамадзянства	СССР;
Узнагароды і прэміі

Керым Курбаннепесаў (туркм.: Kerim Gurbannepesow) (18 кастрычніка 1929, паселішча Гёкдэпе, Туркменская ССР — 1 верасня 1988), Ашгабат) — туркменскі пісьменнік, перакладчык. Народны пісьменнік Туркменскай ССР (1967). Дзяржаўная прэмія Туркменскай ССР імя Махтумкулі (1970).

Біяграфія[правіць | правіць зыходнік]

Нарадзіўся ў сям’і калгасніка. Бацька Керыма загінуў на фронце. У трынаццацігадовым узросце, застаўшыся разам з чатырма малодшымі братамі і сястрычкамі, стаў фактычна галавой сям’і. Працаваў у калгасе, раённым бібліятэкарам, будаваў Тэджанскае вадасховішча, служыў у войску. У 1961 годзе скончыў Туркменскі ўніверсітэт (Ашхабад)^[1].

Творчасць[правіць | правіць зыходнік]

Пачынаючы з 1946 года, вершы Курбанепесава рэгулярна з’яўляюцца на старонках рэспубліканскіх маладзёжных газет, сатырычнага часопіса «Токмак». У 1949 годзе ў маскоўскім часопісе «Змена» публікуецца яго верш «Калгасчы гыз» («Дзяўчына з калгаса»). Першы зборнік вершаў — «Крыніца маёй сілы» («Гүйҗүмің гөзбашы», 1951)^[2].

Паэзія Курбаннепесава эмацыйная, афарыстычная і рамантычна прыўзнятая, блізкая народнай творчасці. Паэма «Дзед Таймаз» («Таймаз баба», 1960) — лірыка-эпічнае палатно з народнага жыцця. Паэма «Сорак» («Кырк», 1967) — разважанне пра асобу паэта, пра мастацтва слова, пра сэнс жыцця, пра грамадзянскія ідэалы^[3].

У 1974 годзе выйшаў яго аповед у вершаванай форме «Зачыненая» — пра дзяўчыну Огультерек, якая пакутуе на МЛД. У аповедзе апісваецца тое, як негаворачая і нерухомая дзяўчына спрабуе кантактаваць з навакольнымі пры дапамозе вачэй і мімікі і пра яе цяжкія выпрабаванні.

Перакладаў з рускай, англійскай, італьянскай, бенгальскай, турэцкай, персідскай на туркменскую мову творы А. Пушкіна, Н. Някрасава, У. Уітмена, Н. Хікмета, Алішэра Наваі і інш. Творы самога К. Курбаннепесава перакладзены на шэраг моў. Аўтар папулярных песень.

На Алеі натхнення у цэнтры Ашхабада ўсталяваны бюст Керыма Курбаннепесава.

Зноскі

↑ Курбаннепесов Керим (нявызн.). Краткая литературная энциклопедия. Фундаментальная электронная энциклопедия.(недаступная спасылка)
↑ Владимир Зарембо.. Керим Курбаннепесов: «Уходя, оставьте свет!» (нявызн.). Туркменистан. Золотой век (3 мая 2021).
↑ Молдавский Дм. На ладони пустыни // Знамя. — М.: 1973. — № 8.

Літаратура[правіць | правіць зыходнік]

Амандурдыева О. Эпоха и герой в лирике Керима Курбаннепесова. — Ашгабад, 1994
Карлюкевіч Алесь. Талент дружбы: (памяці туркменскага паэта К. Курбаннепесава) // Голас Радзімы, 1989. 14 верасня (№ 37)
Алесь Карлюкевич. Вспоминая Керима Курбаннепесова // Неман, 2020, № 3

Спасылкі[правіць | правіць зыходнік]

[1] Курбаннепесов Керим (нявызн.). Краткая литературная энциклопедия. Фундаментальная электронная энциклопедия.(недаступная спасылка)

[2] Владимир Зарембо.. Керим Курбаннепесов: «Уходя, оставьте свет!» (нявызн.). Туркменистан. Золотой век (3 мая 2021).

[3] Молдавский Дм. На ладони пустыни // Знамя. — М.: 1973. — № 8.

[1]

[2]

[3]