Кройцлінген

Кройцлінген ням.: Kreuzlingen Герб Краіна Швейцарыя Каардынаты 47°38′45″ пн. ш. 9°10′42″ у. д. Плошча 11,49 км² 11,5 км² (2008) Вышыня цэнтра 397 м Водныя аб’екты Бодэнскае возера Насельніцтва 21 801 чал. (31 снежня 2017) Тэлефонны код 071 Паштовыя індэксы 8280 Афіцыйны сайт kreuzlingen.ch Кройцлінген на карце Швейцарыі

Кройцлінген на Вікісховішчы

Кройцлінген (ням.: Kreuzlingen, алем.: Chrüzlinge) — горад на поўначы Швейцарыі, у кантоне Тургау, цэнтр акругі Кройцлінген. Насельніцтва — больш за 20 000 чалавек, другі па велічыні горад у кантоне Тургау і найбуйнейшы швейцарскі населены пункт на Бодэнскім возеры, і разам з нямецкім Констанцам утварае агламерацыю з агульным насельніцтвам каля 120 000 чалавек. Найбуйным працадаўцам горада з’яўляецца зброевая фірма General Dynamics European Land Systems — Mowag GmbH, даччыная кампанія амерыканскай General Dynamics.

Славутасці

• Будынкі былога абацтва Кройцлінген з каталіцкім саборам свв. Ульрыха і Афры, якія з 1967 г. маюць статус малой папскай базілікі.
• Замак Зеебург (XVI—XVII стст.), які служыў летняй рэзідэнцыяй абатам манастыра Кройцлінген.
• Замак Эберсберг (XVI—XVII стст.), які належаў у XIX ст. Эберхарду фон Цэпеліну, брату вынаходніка дырыжабляў.