Кім Ву Мін

Кім Ву Мін
кар.: 김우민
Агульная інфармацыя
Пол	мужчынскі пол
Спецыялізацыя	плаванне
Нарадзіўся	24 жніўня 2001(2001-08-24) (22 гады) Пусан, Паўднёвая Карэя
Грамадзянства	Паўднёвая Карэя
Альма-матар	Busan Sport High School[d]
Рост	182 см

Кім Ву Мін (кар. 김우민, нар. 24 жніўня 2001 года, Пусан) — карэйскі плывец, бронзавы прызёр летніх Алімпійскіх гульняў 2024 года, чэмпіён свету 2024 года, трохразовы чэмпіён летніх Азіяцкіх гульняў 2022 года.

Кім Ву Мін уваходзіў у склад зборнай Паўднёвай Карэі ў эстафеце 4 па 200 метраў вольным стылем на летніх Алімпійскіх гульнях 2020 года ў Токіа, якія адбыліся ў 2021 годзе. У другім папярэднім заплыве паўднёвакарэйцы фінішавалі сёмымі з вынікам 7:15,03 мін, не здолеўшы патрапіць у фінальную кваліфікацыю.

Кім заняў шостае месца на чэмпіянаце свету 2022 года ў Будапешце ў заплыве на 400 метраў вольным стылем. Праз год ён падняўся на пятае месца ў гэтай дысцыпліне на чэмпіянаце свету ў Фукуоку.

На Азіяцкіх гульнях 2022 года ў Кітаі, якія адбыліся восенню 2023 года, заваяваў тры залатыя медалі на дыстанцыях 400 і 800 метраў вольным стылем, а таксама ў эстафеце 4 па 200 метраў вольным стылем. На дыстанцыі 1500 метраў вольным стылем стаў другім.

У горадзе Доха, на чэмпіянаце свету 2024 года, заваяваў золата на 400 м вольным стылем, а таксама стаў сярэбраным прызёрам у эстафеце 4 па 200 метраў вольным стылем.

У першы дзень плавальнай праграмы летніх Алімпійскіх гульняў 2024 года на дыстанцыі 400 метраў вольным стылем заваяваў бронзавы медаль з вынікам 3:42,50.