Магнолія буйнакветкавая

Магнолія буйнакветкавая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Магноліякветныя Сямейства:  Магноліевыя Падсямейства:  Магноліевыя Род:  Магнолія Від:  Магнолія буйнакветкавая
Міжнародная навуковая назва
Magnolia grandiflora L., (1759)
Сінонімы
Magnolia foetida (L.) Sarg. (1889)
Арэал
Сістэматыка на Віківідах Выявы на Вікісховішчы ITIS   18074 NCBI   3406 EOL   1154991 GRIN   t:23108 IPNI   554723-1 TPL   kew-117615

Магнолія буйнакветкавая (Magnolia grandiflora) — вечназялёнае дрэва сямейства магноліевых.

Дрэва да 30 м вышынёй з простымі, буйнымі, цэльнымі, скурыстымі, бліскучымі лістамі на кароткіх чаранках. Адзіночныя буйныя кветкі да 10 см у папярочніку. Кветаложа выпуклае, конусападобнае, на ім у 3-членных кругах 6-12 буйных белых духмяных пялёсткападобных лісточкаў калякветніка. На кветаложы па спіралі размяшчаюцца шматлікія тычынкі. Вышэй па спіралі знаходзяцца шматлікія песцікі (карпелы). Завязь аднагнездавая з двума семязачаткамі. Плод — мнагалістоўка.

Злева направа — Лісты; кветка; цэнтральная частка кветкі; плод

Радзіма — Фларыда (ЗША). Вырошчваюць у культуры як дэкаратыўнае дрэва.

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях — Гомель: ГДУ, 2012. — 337 с. ISBN 978-985-439-644-6