Майкл Эмет Уолш

Майкл Эмет Уолш
англ.: Michael Emmet Walsh
Дата нараджэння	22 сакавіка 1935(1935-03-22)
Месца нараджэння	Ogdensburg[d], Сент-Лоўрэнс[d], Нью-Ёрк, ЗША
Дата смерці	19 сакавіка 2024(2024-03-19) (88 гадоў)
Месца смерці	St. Albans[d], Franklin County[d], Вермонт, ЗША
Грамадзянства	ЗША
Адукацыя	Амерыканская акадэмія драматычнага мастацтва[d] (1961) Clarkson University[d] Tilton School[d]
Прафесія	характарны акцёр, тэлеакцёр, кінаакцёр
IMDb	ID 0001826
Медыяфайлы на Вікісховішчы

Майкл Эмет Уолш (англ.: M. Emmet Walsh; 22 сакавіка 1935, Огдэнсберг, Нью-Ёрк — 19 сакавіка 2024, Сент-Олбанс, Вермонт) — амерыканскі акцёр.

Біяграфія

Майкл Эмет Уолш нарадзіўся 22 сакавіка 1935 года ў Огдэнсберг (штат Нью-Ёрк) у сям’і мытніка. У акцёра ірландскія карані. Дзяцінства правёў у Вермонце, вучыўся ў каледжы ўніверсітэта Кларксан. Дэбютаваў на Брадвеі ў 1969 годзе з Аль Пачына ў спектаклі «Ці носіць тыгр гальштук?» па п’есе Дона Петэрсана.

За 40 гадоў зняўся больш як у 100 кіна- і тэлефільмах. Найбольш вядомыя ролі — капітан паліцыі Брайант у фантастычным неа-нуары «Бягун па лязе» і наёмны забойца Вісер у дэбютным фільме братоў Коэнаў «Проста кроў», за якую акцёр удастоіўся прэміі «Незалежны дух» у катэгорыі лепшая мужчынская роля.

У 2018 годзе Уолш быў уведзены ў Залу славы характэрных акцёраў сваім партнёрам па фільме «Бягун па лязе» Харысанам Фордам.

Роджэр Эберт высока ацэньваў гульню акцёра, называючы Уолша «паэтам подласці».

Уолш памёр ад спынення сэрца ў Сент-Олбансе, штат Вермонт, 19 сакавіка 2024 года ва ўзросце 88 гадоў, за тры дні да свайго 89-годдзя.