Махавік паразітны

З пляцоўкі Вікіпедыя
Jump to navigation Jump to search
Махавік паразітны
Boletus parasiticus on Scleroderma citrinum.jpg
Навуковая класіфікацыя
Міжнародная навуковая назва

Xerocomus parasiticus (Fr.) Quél., 1888

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  73890
EOL  1031949
MB  129783

Махавік паразітны (Xerocomus parasiticus) — шапкавы базідыяльны грыб сямейства балетавых. Адзіны паразітны грыб сярод сямейства.

Апісанне[правіць | правіць зыходнік]

Шапка дыяметрам 2-7 см, пукатая, потым пляскатая, сухая, тонкаапушаная, з узростам са шчылінкамі, жаўтавата- або аліўкава-бурая. Мякаць жоўтая, каля ножкі буравата-чырванаватая, з мяккім смакам і слабым грыбным пахам. Трубачкі зыходныя, жоўтыя, з чырванаватымі плямамі, з няправільна-вуглаватымі порамі. Ножка памерам 3-7 х 1-2 см, цыліндрычная, суцэльная, нярэдка выгнутая, гладкая, залаціста-жоўтая, з чырванаватымі плямамі. Споры 12-15 х 4-5 мкм, шырокавераценападобныя, гладкія, аліўкава-бурыя.

Пашырэнне[правіць | правіць зыходнік]

Немаральны від з еўрафрыкана-амерыканскім арэалам. Пашырэнне: Заходняя Еўропа, Паўночная Афрыка, Паўночная Амерыка. У Беларусі надзвычай рэдкі від, які трапляецца ў невялікай колькасці і на абмежаваных плошчах.

Сустракаецца ў шыракалістых лясах з умераным увільгатненнем, у месцах плоданашэння несапраўднага дажджавіка. На Беларусі расце на жывых пладовых целах цвердаскура звычайнага (Scleroderma aurantium). Пладовыя целы растуць паасобку або невялікімі групамі.

Выкарыстанне[правіць | правіць зыходнік]

Малавядомы ядомы грыб.

Літаратура[правіць | правіць зыходнік]

Венерын чаравічак Гэты від занесены ў Чырвоную кнігу Беларусі і ахоўваецца законам.
III катэгорыя (VU) 


  • Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: БелЭн, 1993. ISBN 5-85700-095-5