Мора Лазарава

Мора Лазарава
руск.: Море Лазарева
68° пд. ш. 7° у. д.
Медыяфайлы на Вікісховішчы

Мора Лазарава — ускраіннае мора атлантычнага сектара Паўднёвага акіяна, у берагоў Антарктыды паміж 0 і 14 ° у.д. Абмывае Зямлю Каралевы Мод. Плошча 929,000 км². Пераважаюць глыбіні больш за 3000 м. Максімальная глыбіня звыш 4500 м. Берагі галоўным чынам ледзяныя, утвораны стромкімі ледзянымі абрывамі шэльфавых ледавікоў. Вялікую частку года пакрыта неабсяжнымі льдамі, шмат айсбергаў. У канцы лета і ўвосень дрэйфуючыя льды захоўваюцца толькі ля ўзбярэжжа. Мора Лазарава выдзелена удзельнікамі савецкай антарктычнай экспедыцыі ў 1962 годзе і названае ад імя аднаго з кіраўнікоў Першай рускай антарктычнай экспедыцыі адмірала М. П. Лазарава.