Мікрастома выцягнутая (Microstoma protractum) — від сумчатых грыбоў.
Пашырана ў Еўрапейскай частцы Расіі, у Беларусі, Польшчы (рэдкая), на Урале, у Сібіры. Сапратроф. Трапляецца на гнілой драўніне ў лісцевых і мяшаных лясах у красавіку—маі. Утварае вогненна-чырвоныя пладовыя целы на драўніне, якая гніе ў глебе.
Пладоныя целы (апатэцыі) бакала- ці звонападобныя, на доўгай, ад 1 да некалькіх сантыметраў, тонкай, мясістай ножцы, з ярка-чырвоным дыскам (дыяметр 0,5—1 см) і белаватай паверхняй. Развіваюцца па 1 ці па некалькі, з чорных прарослых склероцыяў. Спелыя апатэцыі разрываюцца на лопасці і нагадваюць яркія кветкі.