Нацыянальны рэестр фільмаў

З Вікіпедыі, свабоднай энцыклапедыі
Нацыянальны рэестр фільмаў
National Film Registry
Заснаванне 1988
Заснавальнікі Кангрэс Злучаных Штатаў Амерыкі
Размяшчэнне ЗША
Галіна Архіваванне
Матчына кампанія Бібліятэка Кангрэса
Сайт loc.gov/programs/nationa…

Нацыяна́льны рэе́стр фі́льмаў (англ.: National Film Registry) — калекцыя фільмаў, абраных Нацыянальным саветам ЗША для захавання ў Бібліятэцы Кангрэса. Паўнамоцтвы савета, заснаванага паводле Нацыянальнага акта па захаванню фільмаў 1988 года[1], былі пацверджаны актамі Кангрэса 1992, 1996, 2005, 2008 і 2016 гадоў.[2][3][4][5]

Крытэрыі выбару фільмаў[правіць | правіць зыходнік]

Кожны год савет дадае ў рэестр 25 «культурна, гістарычна ці эстэтычна значных фільмаў», дэманструючы дыяпазон і разнастайнасць амерыканскай кінаспадчыны.[6] Фільм атрымлівае права на ўключэнне ў рэестр праз 10 гадоў пасля яго першапачатковага выхаду.[7] На першы адбор у 1989 годзе грамадскасць вылучыла на разгляд амаль 1000 фільмаў. Затым члены савета распрацавалі індывідуальныя бюлетэні магчымых фільмаў для ўключэння.[6] З 1997 года прадстаўнікі грамадскасці маглі вылучаць на разгляд да 50 фільмаў у год.[8]

Фільм не абавязкова павінен быць поўнаметражным і не абавязкова павінен быць паказаны ў кінатэатрах у традыцыйным сэнсе гэтага слова. Рэестр змяшчае кінахроніку, нямое кіно, студэнцкія фільмы, эксперыментальныя фільмы, кароткаметражкі, музычныя кліпы, фільмы, якія не ахоўваюцца аўтарскім правам або знаходзяцца ў вольным доступе, серыялы, хатняе кіно, дакументальныя, анімацыйныя і незалежныя фільмы.

Станам на пачатак 2024 года ў рэестры налічваецца 875 фільмаў. Самы стары фільм у спісе — «Ньюаркскі атлет» (1891), а самыя новыя «12 гадоў рабства» (2013) і «20 футаў ад славы» (2013).

Зноскі

  1. ↑ Eagan, Daniel (2010). America's film legacy : the authoritative guide to the landmark movies in the National Film Registry. New York: Continuum. p. x. ISBN 978-1-4411-1647-5.
  2. ↑ "Reagan Signs Law on Film". The New York Times. September 28, 1988. Праверана July 22, 2009.
  3. ↑ Legislative Authorization. National Film Preservation Board. Архівавана з першакрыніцы August 29, 2008. Праверана July 22, 2009.
  4. ↑ Public Law 110–336—Oct. 2, 2008. United States Government Printing Office. Архівавана з першакрыніцы May 5, 2009. Праверана August 15, 2009.
  5. ↑ Chuck, Grassley. S.2893 - 114th Congress (2015-2016): Library of Congress Sound Recording and Film Preservation Programs Reauthorization Act of 2016 (англ.). Congress.gov (29 ліпеня 2016). Праверана February 16, 2018.
  6. ↑ а б "National Film Registry Adds 25 Films". Millimeter. December 17, 2002. Архівавана з арыгінала December 2, 2008. Праверана February 19, 2009.
  7. ↑ Molotsky, Irvin (September 20, 1989). "25 Films Chosen for the National Registry". The New York Times. Праверана July 30, 2009.
  8. ↑ Keogh, Jim (March 25, 1999). "Public gets ticket to put favorite flicks in registry" (Fee required). Telegram & Gazette. Праверана August 4, 2009.

Спасылкі[правіць | правіць зыходнік]

Узята з "https://be.wikipedia.org/w/index.php?title=Нацыянальны_рэестр_фільмаў&oldid=4689877"