Начніца вадзяная

З пляцоўкі Вікіпедыя
Перайсці да: рух, знайсці
Начніца вадзяная
Myotis-P1040975.jpg
Навуковая класіфікацыя
Міжнародная навуковая назва

Myotis daubentonii Kuhl, 1817

Сінонімы
  • Myotis abei Yoshikura, 1944
Падвіды
Арэал

выява

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   632012
NCBI   98922
EOL   327580

Начніца вадзяная, начніца Даўбентона (Myotis daubentonii) — млекакормячая жывёла сямейства гладканосых лятучых мышэй.

Апісанне[правіць | правіць зыходнік]

Даўжыня цела 44,5—51, перадплечча 35—40,5, хваста 36—46 мм. Поўсць на спіне цёмная, шараватая або карычнявата-бурая, на брушку шараватая або брудна-белаватая з палевым адценнем. Лятальная перапонка, вушы і голыя часткі морды бурыя. Канец хваста выступае за міжсцегнавую перапонку. Палёт павольны з пырханнем.

Пашырэнне[правіць | правіць зыходнік]

Пашырана ў Еўразіі, паўночная мяжа праходзіць праз Петразаводск, Краснаярск, вусце Амура; паўднёвая праз Сіваш, нізоўі Волгі, Паўднёвы Урал, возера Зайсан. На Беларусі аселы від, трапляецца па ўсёй тэрыторыі.

Асаблівасці біялогіі[правіць | правіць зыходнік]

Корміцца пасля змяркання пераважна двухкрылымі і лускакрылымі насякомымі на вышыні 5—20 см над паверхняй вады або каля крон дрэў у лясах, парках і іншых зялёных насаджэннях.

У летніх сховішчах (дуплы дрэў, гарышчы, пустоты за абшыўкай пабудоў і інш.) паблізу вадаёмаў з канца сакавіка. Нараджае адно дзіцяня ў сярэдзіне чэрвеня. Зімуе (кастрычнік—сакавік на Беларусі) у выпадковых сховішчах (склепы, падвалы, трэшчыны ў бетонных кольцах глыбокіх студняў і інш.).

Літаратура[правіць | правіць зыходнік]

  • Курскоў А. Начніца вадзяная // Энцыклапедыя прыроды Беларусі. У 5 т. Т. 3. — Мн.: БелСЭ, 1984.