Пагадненне паміж Украінай і ЕС аб спрашчэнні афармлення віз
Пагадненне паміж Украінай і Еўрапейскай Садружнасцю аб спрашчэнні афармлення віз - заключана 18 чэрвеня 2007 і ўступіла ў сілу з 1 студзеня 2008.
Некаторыя палажэнні пагаднення[правіць | правіць зыходнік]
Палажэннямі пагаднення ўстаноўленя прэферэнцыі для ўсіх катэгорый грамадзян Украіны ў частцы, што датычыцца:
- візавага збору (35 еўра)
- працягласці візавых працэдур (10 сутак у звычайных выпадках, 2 сутак - у тэрміновых),
- спрашчэння візавых працэдур для асобных катэгорый грамадзян Украіны.
Пагадненнем адменена візавыя патрабаванні для ўладальнікаў дыпламатычных пашпартоў.
Права на бясплатнае атрыманне шэнгенскіх віз атрымалі 14 катэгорый ўкраінскіх грамадзян.
Для маніторынгу выканання палажэнняў пагаднення створаны Сумесны камітэт экспертаў па рэалізацыі Пагаднення паміж Украінай і ЕС аб спрашчэнні афармлення віз (СВК), пасяджэнні якога праходзяць два разы на год па чарзе ў г. Кіеў і г. Брусэль.
Удасканаленае пагадненне[правіць | правіць зыходнік]
23 ліпені 2012 г. ў Брусэлі было падпісана пагадненне аб унясенні змяненняў у Пагадненне паміж Украінай і ЕС аб спрашчэнні афармлення віз. [1] Удасканаленае Пагадненне прадугледжвае пашырэнне катэгорый грамадзян Украіны, якія могуць атрымліваць бясплатныя і шматразовыя шэнгенскія візы да таго часу, пакуль Украіна не атрымае бязвізавы рэжым з ЕС.
Гаворка ідзе таксама аб пашырэнні катэгорый грамадзян, якія маюць права на спрошчанае афармленне бясплатных, шматразовых віз (для прадстаўнікоў няўрадавых арганізацый, рэлігійных суполак, прафесійных аб'яднанняў, студэнтаў і аспірантаў, удзельнікаў афіцыйных праграм трансгранічнага супрацоўніцтва Еўрапейскага Саюза), удасканаленне парадку афармлення віз для міжнародных перавозчыкаў і прадстаўнікоў сродкаў масавай інфармацыі.
У тэксце Пагаднення вызначаны тэрміны дзеяння шматразовых віз (1 год, 5 гадоў), што дазволіць пазбегнуць двухсэнсоўнага тлумачэння адпаведных палажэнняў гэтага Пагаднення (да 1, да 5 гадоў).
Дакумент прадугледжвае магчымасць бязвізавых паездак у ЕС для ўладальнікаў службовых біяметрычных пашпартоў.
22 сакавіку 2013 пагадненне ратыфікаваў ўкраінскі парламент, а 18 красавіка 2013 г - Еўрапейскі парламент.[2] 13 мая 2013 ратыфікацыю зацвердзіла Савет міністраў Еўрапейскага Саюза. Пагадненне ўступіла ў сілу з 1 ліпеня 2013 г.
11 чэрвеня 2017 паміж Украінай і Еўрапейскім Саюзам пачаў дзейнічаць агульнаграмадзянскі бязвізавы рэжым. Ён прадугледжвае магчымасць наведвання ЕС на тэрмін не даўжэй 90 дзён на працягу 180 дзён без права на працаўладкаванне. Выключэннем з'яўляецца толькі Польшча, якая дазволіла ўкраінцам выконываць кароткатерміновыя працы без візы. [3]