Пеліканы (Pelecanus) — род птушак атрада Пеліканападобныя (Pelecaniformes), адзіны ў сямействе Пеліканавыя (Pelecanidae).
Вялікія птушкі (самыя вялікія з лятаючых) з доўгай, «S-падобна» выгнутай шыяй, масіўнай дзюбай, пад якой звісае расцяжны скурны мяшок, і кароткімі нагамі. Паміж усімі 4 пальцамі плавальныя перапонкі. Засяляюць прэсныя вадаёмы і ўзбярэжжы мораў. Частка відаў з белым апярэннем, частка — з бурым. Палавы дымарфізм адсутнічае (акрамя памераў). Адрозніваецца 7—8 відаў.
