Прамысловы робат
Прамысловы робат — робат, прызначаны для выканання загадзя запраграмаваных функцый у вытворчым працэсе. Складаецца з маніпулятара, які мае некалькі ступеняў рухомасці, і праграмавальнай прылады кіравання. Прамысловыя робаты ўжываюцца для такіх тэхналагічных аперацый як зварка, афарбоўка, зборка, разборка, размяшчэнне друкаваных плат, упакоўка і маркіроўка, перамяшчэнне, палетаванне і праверка прадукцыі.
Робаты выкарыстоўваюцца ў прамысловасці з 1960-х гадоў. Паводле даных амерыканскай Асацыяцыі па развіцці аўтаматызацыі, у 2016 годзе аўтамабільная прамысловасць была асноўным пакупніком прамысловых робатаў, займаючы 52% ад агульнага аб'ёму продажаў.[1] Існуюць цалкам аўтаматызаваныя прадпрыемствы, якія не патрабуюць чалавечай прысутнасці ўвогуле. Напрыклад, фабрыка па вытворчасці клавіятур IBM у Тэхасе была цалкам аўтаматызаваная яшчэ ў 2003 годзе.[2]
Прамысловыя робаты звычайна з'яўляюцца адным з кампанентаў аўтаматызаваных вытворчых сістэм, якія пры нязменным узроўні якасці дазваляюць павялічыць прадукцыйнасць працы ў цэлым.
Эканамічна выгадна выкарыстанне прамысловых робатаў сумесна з іншымі сродкамі аўтаматызацыі вытворчасці (аўтаматычныя лініі, участкі і комплексы).
Крыніцы
[правіць | правіць зыходнік]- ↑ Robot density rises globally. Robotic Industries Association (8 лютага 2018). Архівавана з першакрыніцы 23 November 2020. Праверана 3 December 2018.
- ↑ Pinto, Jim (1 October 2003). Fully automated factories approach reality. Automation World. Архівавана з арыгінала 1 October 2011. Праверана 3 December 2018.
Літаратура
[правіць | правіць зыходнік]- Спыну Г. А. Промышленные роботы: конструирование и применение (руск.). — Киев: Вища школа, 1985. — 176 с.
- Механика промышленных роботов. Кн. 1. Кинематика и динамика (руск.) / Е. И. Воробьёв, С. А. Попов, Г. И. Шевелёва. — М.: Высшая школа, 1988. — 304 с. — ISBN 5-06-001201-8.
- Авцынов И. А., Битюков В. К. Основы роботизации, гибких производственных систем, организационно-технологического управления и транспортно-складских систем (руск.). — Воронеж: Воронежская гос. технол. академия, 2009. — 94 с. — ISBN 5-89448-196-1.(недаступная спасылка)
Спасылкі
[правіць | правіць зыходнік]- Робаты высокага палёту. Пераклад артыкула «Flying High Robots», Austin Weber, размешчана ў часопісе Assembly http://www.nlrob.ru/hfrob.htm(недаступная спасылка)
- Прамысловыя робаты ў сучаснай вытворчасці http://www.mirprom.ru/public/promyshlennye-roboty-v-sovremennom-proizvodstve.html Архівавана 22 верасня 2015.