Пясочнік марскі

З пляцоўкі Вікіпедыя
Перайсці да: рух, знайсці
Пясочнік марскі
Purple sandpiper New Brighton.jpg
Навуковая класіфікацыя
Міжнародная навуковая назва

Calidris maritima Brünnich, 1764

Арэал

выява

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   176646
NCBI   28682
EOL   1049471

Пясочнік марскі (Calidris maritima) — птушка сямейства бакасавых.

Апісанне[правіць | правіць зыходнік]

Даўжыня цела 20-24 см, размах крылаў 37-46 см. У шлюбным уборы карычнева-шэры, у негнездавы час — крыху больш цёмны i шэры. Жывот белы. Дзюба прамая, параўнальна тонкая, каля асновы жоўтая, ногi кароткiя, жоўтыя. Голас далiкатны, цiхі.

Пашырэнне[правіць | правіць зыходнік]

Арэал разарваны: паўночны край Галарктыкі. Насяляе сухую горную тундру са скальнымі восыпамі і мноствам ручаёў паблізу марскіх узбярэжжаў, а таксама скальныя выступы на берагах астравоў і марскіх узбярэжжах, у Швецыі і Нарвегіі сустракаецца і вышэй за 1300 м, дзе трымаецца гурбаў снегу і мёрзлага грунту.

Частка папуляцыі аселая, частка — пералётная. Месца зімовак часткова ў межах гнездавога арэала: Скандынавія, Брытанскія а-вы, Ірландыя, Ісландыя, Заходняя Еўропа, у Паўночнай Амерыцы — атлантычныя ўзбярэжжы. Пад час пералётаў і зімоўкі спыняецца на камяністых (радзей пясчаных) марскіх ўзбярэжжах, скалістых астравах і паўастравах з моцным прыбоем. На Беларусі вельмі рэдкі, выпадкова залётны пад час міграцый від.

Асаблівасці біялогіі[правіць | правіць зыходнік]

Гняздо ладзіць паміж камянёў у ямцы ў дзірване або моху; скупая высцілка з моху, лішайнікаў і лісця карлікавай вярбы.

Яйкі (3-4) набліжаныя да грушападобных, крэмава-пясчана-жоўтыя, шэра-аліўкавыя або карычнева-аліўкавыя (свежыя з зялёным бляскам) са светла-шэрымі глыбокімі і чорна-карычневымі паверхневымі плямамі, якіх больш на шырокім канцы.

Літаратура[правіць | правіць зыходнік]

  • Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.