Раланда дэ Тэла

Раланда дэ Тэла
Дата нараджэння	14 верасня 1888(1888-09-14)
Месца нараджэння	Gomeán (Santiago)[d], O Corgo[d]
Дата смерці	9 кастрычніка 1967(1967-10-09) (79 гадоў)
Месца смерці	Adai, O Corgo[d], O Corgo[d]
Грамадзянства	Іспанія
Званне	brigadier general[d]
Бітвы/войны	грамадзянская вайна ў Іспаніі Рыфская вайна[d]
Узнагароды і званні

Хеліядора Раланда дэ Тэла-і-Кантас (ісп.: Heliodoro Rolando de Tella y Cantos; 14 верасня 1888 — 9 кастрычніка 1967) — іспанскі ваенны дзеяч, брыгадны генерал, удзельнік Рыфскай вайны і грамадзянскай вайны ў Іспаніі .

Біяграфія

Нарадзіўся ў Гамеане (правінцыя Луга). Паходзіў з сям’і заможных сялян. Скончыў Таледскую пяхотную акадэмію. Служыў у Іспанскім Марока. Удзельнічаў у Рыфскай вайне, падчас якой атрымаў некалькі ўзнагарод.

З моманту стварэння Другой іспанскай рэспублікі ў 1931 годзе дэманстраваў вялікую варожасць да новага рэжыму. У 1932 годзе ўдзельнічаў ў Санхурхадзе, няўдалым дзяржаўным перавароце пад кіраўніцтвам генерала Санхурха, за што дэпартаваны ў Вілу Сіснерас (Іспанская Сахара). Амніставаны ў 1934 годзе.

Пасля ліпеньскага паўстання 1936 года і пачатку грамадзянскай вайны далучыўся да нацыяналістаў. На чале калоны ўдзельнічаў у Эстрэмадурскай аперацыі, бітвах за Мерыду і за Бадахос.

У ходзе баёў пад Мадрыдам узначальваў войскі нацыяналістаў на фронце Усера і пад Сьюдад Універсітарыяй. Падчас гэтых падзей быў паранены. Пасля папраўкі змагаўся на Эбра і ў Каталоніі.

12 ліпеня 1940 года быў прызначаны камандзірам 81-й дывізіі. У 1941 годзе заняў пасаду ваеннага губернатара Бургоса. Пазней стаў ваенным губернатарам Луга.

У 1943 годзе за адміністрацыйныя парушэнні быў пазбаўлены ўсіх воінскіх узнагарод. Прычыны заключаліся ў тым, што Тэла выкарыстоўваў транспартныя сродкі і ваенны персанал на сваёй мукамольнай фабрыцы. Па іншай версіі, гэта адбылося з-за манархічных поглядаў генерала.

Біяграфія

• Nerín, Gustau (2005). La guerra que vino de África. Barcelona: Crítica SL. p. 107. ISBN 84-8432-618-7. 
• Preston, Paul (2008). El Gran manipulador. La Mentira cotidiana de Franco. Ediciones B S.A. ISBN 9788466638296. Consultado el 10 de abril de 2012. 
• Tamames, Ramón (1974). Historia de España Alfaguara VII. La República. La Era de Franco. ISBN 9788420620510. 
• Thomas, Hugh (1976). La Guerra Civil Española. Barcelona: Ed. Grijalbo. ISBN 84-253-2767-9.