Ром (горад)

Населены пункт
Ром
англ.: Rome
34°15′36″ пн. ш. 85°11′06″ з. д.
Краіна	ЗША
Кіраўнік	Craig McDaniel[d]
Гісторыя і геаграфія
Заснаваны	1834
Вышыня цэнтра	187 м
Водныя аб’екты	Coosa River[d], Etowah River[d], Oostanaula River[d] і Silver Creek[d]
Часавы пояс	EDT[d]
Насельніцтва
Насельніцтва	▲37 713 чал. (1 красавіка 2020)
Лічбавыя ідэнтыфікатары
Тэлефонны код	706
Паштовы індэкс	30161, 30162, 30164 і 30165
romefloyd.com (англ.)
Паказаць/схаваць карты
Ром (горад)
Медыяфайлы на Вікісховішчы

Ром (англ.: Rome) — горад у акрузе Флойд штата Джорджыя ў ЗША.

Назва

Горад атрымаў сваю назву ад Рыма ў Італіі — у час заснавання горада ў Амерыцы было папулярна даваць новым паселішчам назвы, якія былі б сугучныя з назвамі славутых еўрапейскіх гарадоў (у розных штатах ЗША прыблізна тады ж з’явіліся таксама свае Парыж, Масква, Афіны, Санкт-Пецярбург, Сіракузы, Адэса, Варшава і інш.). Але ў той час, як па-англійску напісанне іх назваў цалкам супадае, то па-беларуску назвы гарадоў у ЗША пішуцца ўжо ў адпаведнасці з фанетычным прынцыпам.

Геаграфія

Горад знаходзіцца ў паўночна-заходняй частцы штата Джорджыя, у перадгор’ях Апалачаў, пры зліцці рэк Этова і Устанаўла, якія адначасова ўтвараюць раку Куса.

Дэмаграфія

Паводле перапісу 2010 года ў горадзе жылі 36 303 асобы. Шчыльнасць насельніцтва складала 443 асобы/км². Налічвалася 15 797 жылых дамоў. Расавы склад насельніцтва: 57,4 % белыя, 27,8 % — афраамерыканцы, 1,9 % — азіяты, 0,6 % — карэнныя амерыканцы, 0,2 % — з астравоў Ціхага акіяна, 9,7 % — прадстаўнікі іншых рас, 2,5 % належалі да дзвюх і больш рас. Доля іспанамоўных склала 16,2 % усіх жыхароў.