Роўнапаскораны рух

Роўнапаскораны рух у полі цяжару Зямлі. На малюнку відаць, што перамяшчэнне складаецца з прамалінейнага раўнамернага руху і свабоднага падзення

Роўнапаскораны рух — рух цела, пры якім вектар паскарэння ${\vec {a}}=\mathrm {const}$, г.зн. паскарэнне пастаяннае як па модулю, так і па кірунку.

Прыкладам такога руху з’яўляецца рух цела, якое кінулі пад вуглом $\alpha$ да гарызонта ў аднародным полі сілы цяжару: цела ляціць з паскарэннем свабоднага падзення ${\vec {a}}={\vec {g}}$, накіраваным вертыкальна ўніз.

Пры роўнапаскораным руху па прамой скорасць цела вызначаецца формулай:

$v(t)=v_{0}+at.$

Ведаючы, што $v(t)={\frac {d}{dt}}x(t)$, знойдзем формулу для вызначэння каардынаты x:

$x(t)=x_{0}+v_{0}t+{\frac {at^{2}}{2}}.$

Роўнапаскораны рух з паскарэннем свабоднага падзення — рух цела, якое кінулі гарызантальна (без уліку сілы супраціўлення).