Скрыжаванне
Скрыжаванне — перасячэнне праезных частак розных дарог на адным узроўні.
Больш строгая трактоўка гэтага паняцця прыводзіцца ў Правілах дарожнага руху Рэспублікі Беларусь: «Скрыжаванне — месца перасячэння, прымыкання ці разгалінавання дарог на адным узроўні. Мяжа скрыжавання вызначаецца ўяўнымі лініямі, якія злучаюць адпаведна процілеглыя, найбольш аддаленыя ад цэнтра скрыжавання пачаткі закругленняў праезных частак дарог.».
Сустракаюцца раўназначныя і нераўнўзначныя скрыжаванні, рэгуляваныя (кіраваныя) і нерэгулюемыя (некіравальныя), скрыжаванні з кругавым рухам, з прымыкаючай дарогай.