Трой (Нью-Ёрк)

Населены пункт
Трой
англ.: City of Troy англ.: Troy
Герб
42°43′54″ пн. ш. 73°41′33″ з. д.
Краіна	ЗША
Кіраўнік	Carmella Mantello[d]
Гісторыя і геаграфія
Заснаваны	1787
Вышыня цэнтра	152 м
Водныя аб’екты	Гудзон
Часавы пояс	EDT[d]
Насельніцтва
Насельніцтва	▲51 401 чал. (1 красавіка 2020)
Лічбавыя ідэнтыфікатары
Тэлефонны код	518
Паштовы індэкс	12180, 12181, 12182 і 12183
troyny.gov (англ.)
Паказаць/схаваць карты
Трой (Нью-Ёрк)
Медыяфайлы на Вікісховішчы

Трой (англ.: Troy) — горад на ўсходзе штата Нью-Ёрк, на рацэ Гудзон, насупраць упадзення ў яе Махока. Адміністрацыйны цэнтр акругі Рэнселер. Уваходзіць у адну агламерацыю з Олбані і Скенектадзі. Насельніцтва 50,1 тыс. жыхароў (2010).

У гады існавання Новых Нідэрландаў на месцы горада знаходзілася латыфундыя Кіліена ван Рэнселера, аднаго з заснавальнікаў Галандскай Вест-Індскай кампаніі. У 1707 годзе землі выкупіла сямейства Вандэрхейдэн.

Паселішча, заснаванае ў 1786 годзе як Вандэрхейдэнс-Феры («Пераправа Вандэрхейдэна»), у 1789 годзе было перайменавана ў гонар старажытнай Троі (Іліума). Дэвіз горада абвяшчае: «Іліум быў, а Трой ёсць».

Падчас вайны 1812 года мясцовы прамысловец Сэмюэл Уілсан па мянушцы дзядзька Сэм пастаўляў амерыканскаму войску тушонку з этыкеткай U.S. Beef («мяса ЗША»). Абрэвіятуру «U.S.» памылкова расшыфравалі як скарачэнне ад Uncle Sam, і з тых часоў гэтая мянушка замацавалася за Злучанымі Штатамі.

З сярэдзіны XIX стагоддзя Трой — адзін з найбуйнейшых цэнтраў лёгкай прамысловасці ЗША.