Тур Обрэстад

Тур Обрэстад
Асабістыя звесткі
Дата нараджэння	12 лютага 1938(1938-02-12)
Месца нараджэння	Хо[d], Ругалан, Нарвегія
Дата смерці	25 студзеня 2020(2020-01-25) (81 год)
Месца смерці	Nærbø[d], Хо[d], Ругалан, Нарвегія
Грамадзянства	Нарвегія
Прафесійная дзейнасць
Род дзейнасці	пісьменнік, біёграф, паэт
Мова твораў	нованарвежская мова
Прэміі	Tarjei Vesaas' debutantpris[d] (1966) Gyldendal's Endowment[d] (1971) Sarpsborgprisen[d] (1966)
Узнагароды	Stavanger Aftenblads kulturpris[d] (1986)

Тур Обрэстад (нарв.: Tor Obrestad; 12 лютага 1938 — 25 студзеня 2020) — нарвежскі пісьменнік, журналіст, гісторык і літаратуразнаўца. Аўтар звыш сарака кніг-зборнікаў вершаў, навэл, раманаў, біяграфій і перакладаў.

Біяграфія

Літаратурны дэбют адбыўся ў 1966 годзе зборнікам паэзіі «Калізія» (Kollisjon) і зборнікам апавяданняў «Вецер» (Vind). У тым жа годзе Обрэстад быў ганараваны прэміяй для маладых пісьменнікаў імя Тар’ея Везаса.

У 60-я гады быў блізкі да літаратурнай групы Profil (па назве аднайменнага часопіса), куды таксама ўваходзілі Даг Сульстад і шэраг іншых аўтараў.

Палітычныя погляды пісьменніка фармаваліся галоўным чынам пад уплывам ідэй марксізму, што адбілася ў яго творах 70-х гадоў.

У 90-я гады ён актыўна займаўся даследчай дзейнасцю. На яго рахунку — біяграфіі Арнэ Гарборга і яго жонкі Хульды, манаграфія пра раман Гарборга «Мір», Вялікая манаграфія пра жыццё і творчасць Аляксандра Х’елланна, а таксама даследаванне, прысвечанае гісторыі фюльке Ругалан з самых старажытных часоў да 1350 года.

Доўгія гады працаваў у газеце Stavanger Aftenblad.