Тэракт у касцёле Ова (2022)

З пляцоўкі Вікіпедыя
Перайсці да навігацыі Перайсці да пошуку
Тэракт у касцёле Ова
Месца нападу Нігерыя касцёл Святога Францішка Ксаверыя, раёна мясцовага кіравання Ова, штат Онда, Нігерыя
07°11′40″ пн. ш. 05°35′01″ у. д.HGЯO
Мэта нападу вернікі ў царкве
Дата 5 чэрвеня 2022
11:30
Спосаб нападу выбух СВП і расстрэл
Зброя выбухоўкі і Аўтамат Калашнікава
Загінулыя 85+
Параненыя 61+
Колькасць тэрарыстаў ад 4[1] да 5[2]

5 чэрвеня 2022 года адбыўся тэракт у каталіцкай царквы раёна мясцовага кіравання Ова, штат Онда, Нігерыя. Пяцёра баевікоў пачалі страляць па будынку царквы і актывавалі самаробнае выбуховае прыстасаванне. Затым зайшлі ў царкву і пачалі страляць па тых, хто знаходзіліся ўнутры[3]. Паводле паведамленняў уладаў, загінулі не менш за 85 чалавек[4].

Перадгісторыя[правіць | правіць зыходнік]

Штат Онда з’яўляецца адносна мірным у адрозненне ад астатняй часткі Нігерыі[5], якая ўжо больш за дзесяць гадоў змагаецца з рэлігійнымі сутыкненнямі і бандытамі. Усплёск гвалту паміж мясцовымі жывёлагадоўцамі і качэўнікамі ў Онда быў зафіксаваны яшчэ да тэракту[6]. Урад штата ўвёў абмежаванні на выпас жывёлы[7].

Падзеі[правіць | правіць зыходнік]

Тэракт быў здзейснены ў каталіцкім касцёле Святога Францішка Ксаверыя ў раёне мясцовага кіравання Ова каля 11:30[8]. Вернікі ўнутры царквы служылі імшу, святкуючы Пяцідзесятніцу[6]. Баевікі прывялі ў дзеянне СВП прама каля будынка і пачалі страляць са зброі. Чацвёра баевікоў адкрылі агонь прама па будынку[1]. Затым яны ўвайшлі ў царкву і адкрылі агонь па верніках, страляючы ў любога, хто рухаўся або спрабаваў ўстаць[3]. Некалькі мінакоў таксама былі паранены кулямі[9]. На відэазапісах з царквы бачны мёртвыя целы ахвяр, якія ляжаць у лужынах крыві на падлозе[7][10]. Прыхаджане царквы паспрабавалі пакінуць будынак, але галоўны ўваход быў зачынены, таму налётчыкі адкрылі агонь па людзях, якія спрабавалі прабегчы праз іншыя два выхады[3]. Сведка распавёў, што бачыў пецярых баевікоў[2].

Выжылы падчас тэракту сказаў, што напад адбыўся, калі служба ўжо падыходзіла да канца[11]. Іншы, які ненадоўга пакінуў будынак перад тэрактам, сказаў, што калі ён вяртаўся ў царкву, то выжылыя, якія выбеглі вонкі, спынілі яго і распавялі пра здарэнне[3]. Паліцыя выявіла на месцы нападу тры СВП, а таксама некалькі гільзаў ад патронаў АК-47[8][12].

Ахвяры[правіць | правіць зыходнік]

Дакладная колькасць загінулых пакуль невядома, але паліцыя заявіла, што колькасць загінуўшых, як чакаецца, будзе толькі расці[2]. Мясцовы палітык Адэлегбе Цімілейн заявіў, што загінула больш за 50 чалавек, у тым ліку дзяцей, у той час як іншыя крыніцы ацэньваюць колькасць загінулых яшчэ вышэй[4][6][13]. Цімілейн таксама сказаў, што святар царквы быў выкрадзены, але рымска-каталіцкая епархія Онда гэта абвергла[2][14]. Таксама там удакладнілі, што ён знаходзіцца ў бяспецы[15]. Лідар большасці ў Палаце прадстаўнікоў штата Онда Алувале Агунмаласуі наведаў месца тэракту, ацаніўшы колькасць загінуўшых паміж 70 і 100[16]. Лекары паведамілі журналістам, што мясцовыя бальніцы перапоўнены пацярпелымі і загінулымі[3]. Нацыянальнае агенцтва па надзвычайных сітуацыях Нігерыі паведаміла аб дастаўцы 22 загінулых[17] і 50 пацярпелых[18] у бальніцы. Многія целы загінуўшых былі дастаўлены членамі іх сем’яў дадому[17]. 9 чэрвеня ўрад паведаміў аб знаходжанні ў бальніцах 61 параненага[19].

Рэакцыя[правіць | правіць зыходнік]

Губернатар штата Онда Ратамі Акерэдолу адправіўся на месца тэракту[7] і назваў гэтую падзею «чорнай нядзеляй»[20]. Ён паабяцаў «выкарыстаць усе даступныя рэсурсы, каб высачыць баевікоў»[2]. Прэзідэнт Нігерыі Махамаду Бухары асудзіў тэракт, заявіўшы, што гэта быў «агідны напад на вернікаў»[2]. Папа Францыск I памаліўся за ахвяр тэракту[2].

Ні адна арганізацыя не ўзяла на сябе адказнасць за тэракт[2].

Гл. таксама[правіць | правіць зыходнік]

Зноскі[правіць | правіць зыходнік]

  1. ↑ 1,0 1,1 Nigeria church massacre: What happened and why?(англ.) . www.aljazeera.com.
  2. ↑ 2,0 2,1 2,2 2,3 2,4 2,5 2,6 2,7 ‘Evil and wicked’: Dozens killed in Nigeria church attack(англ.) . www.aljazeera.com.
  3. ↑ 3,0 3,1 3,2 3,3 3,4 Nigerian forces hunt for gunmen who killed 50 at church(англ.) . AP NEWS (6 чэрвеня 2022).
  4. ↑ 4,0 4,1 Юрий Майборода Атака в церкви: В Нигерии произошел чудовищный теракт(руск.) . kp.ru (6 чэрвеня 2022).
  5. ↑ Nigeria Owo church attack: Gunmen kill Catholic worshippers in Ondo, BBC News (6 чэрвеня 2022). Праверана 7 чэрвеня 2022.
  6. ↑ 6,0 6,1 6,2 Over 50 feared dead in Nigeria church attack, officials say(англ.) . AP NEWS (5 чэрвеня 2022).
  7. ↑ 7,0 7,1 7,2 Nigeria: gunmen kill dozens in ‘satanic’ attack on Catholic church(англ.) . the Guardian (5 чэрвеня 2022).
  8. ↑ 8,0 8,1 Owo Church Attack: Police recover 3 unexploded bombs(англ.) . Vanguard News (6 чэрвеня 2022).
  9. ↑ Dozens feared dead after gunmen attack Nigerian church, officials say(англ.) . ABC News.
  10. ↑ UPDATED: Many killed in Ondo church attack(англ.) . Punch Newspapers (5 чэрвеня 2022).
  11. ↑ 'We were locked in the church for over 20 minutes', priest speaks on Ondo attack(англ.) . Daily Trust (5 чэрвеня 2022).
  12. ↑ Adelaja, Temilade. Police recover explosives following massacre in Nigerian Catholic church, Reuters (7 чэрвеня 2022). Праверана 8 чэрвеня 2022.
  13. ↑ Dozens Feared Dead in Nigeria Church Attack(англ.) . VOA.
  14. ↑ Owo attack: No priest was kidnapped, says Catholic church(англ.) . Punch Newspapers (5 чэрвеня 2022).
  15. ↑ Owoeye, Fikayo. At least 50 killed in massacre at Catholic church in southwest Nigeria, Reuters (6 чэрвеня 2022). Праверана 7 чэрвеня 2022.
  16. ↑ Ezeamalu, Ben. Dozens Feared Dead in Church Attack in Nigeria, The New York Times (5 чэрвеня 2022). Праверана 7 чэрвеня 2022.
  17. ↑ 17,0 17,1 Infants among 22 worshippers killed in Nigeria church attack(англ.) . AP NEWS (7 чэрвеня 2022).
  18. ↑ Sanni, Kazeem. Bereaved families face grief, trauma after Nigeria church attack, Reuters (7 чэрвеня 2022). Праверана 8 чэрвеня 2022.
  19. ↑ Api, Cue. Nigeria church attack: Toll rises to 40, over 60 injured, The Hindu (9 чэрвеня 2022). Праверана 10 чэрвеня 2022.
  20. ↑ Nimi Princewill,Amy Cassidy Mass shooting at Nigeria church kills dozens, says local lawmaker(англ.) . CNN (5 чэрвеня 2022).
Узята з "https://be.wikipedia.org/w/index.php?title=Тэракт_у_касцёле_Ова_(2022)&oldid=4141426"