Укргазбанк

З пляцоўкі Вікіпедыя
Jump to navigation Jump to search
ПАТ АБ «Укргазбанк»
Тып Публічнае акцыянернае таварыства
Заснаванне 21 ліпеня 1993 (27 гадоў)
Размяшчэнне Сцяг Украіны Кіеў, вул. Б. Хмяльніцкага, 16/22
(Юрыдычная рэгістрацыя: Кіеў, вул. Ерэванская, 1)
Ключавыя фігуры Кірыл Яўгенавіч Шэўчэнка
(Старшыня праўлення)
Галіна Фінансавыя паслугі
Чысты прыбытак 259,672 млн. грн. (2015)[1]
Актывы 41,555 млрд. грн. (31.12.2015)[2]
Колькасць супрацоўнікаў
  • 3 500 чал.
Аўдытар Ernst & Young
Сайт ukrgasbank.com

Укрга́збанк (укр.: Укргазбанк) — украінскі камерцыйны банк, заснаваны ў 1993 годзе, на 94,9% належыць дзяржаве. Па памерах актываў і доляй на рознічным рынку ўваходзіць у дзесятку найбуйнейшых банкаў Украіны. Агульныя памеры актываў па стане на канец 2015 года, складалі 41 мільярд грыўняў. Сетка абслугоўвання банка ўключае каля 180 аддзяленняў ва ўсіх рэгіёнах Украіны.[3] Банкаматы Укргазбанка ўваходзяць у сетку «УкрКарт» якая налічвае каля 1000 банкаматаў.

Галоўны офіс Укргазбанка размешчаны ў Кіеве. У 2015 годзе банк атрымаў чысты прыбытак у памеры 259 мільёнаў грывен, у папярэднім 2014 годзе былі страты на 3,382 мільярда грывен.[4]

Гісторыя[правіць | правіць зыходнік]

АБ «Укргазбанк» з'яўляецца правапераемнікам ААТ АБ «Укргазбанк», ЗАТ «Інтергазбанк» і АТЗТ «Хаджибейбанк», зарэгістраванага Нацыянальным Банкам Украіны 21 ліпеня 1993 года (рэгістрацыйны № 183).[5]

АБ «Укргазбанк» увайшоў у пералік аб'ектаў дзяржаўнай уласнасці, якія маюць стратэгічнае значэнне для эканомікі і бяспекі дзяржавы. Такое рашэнне зацверджана Пастановай № 83 Кабінета Міністраў Украіны ад 4 сакавiка 2015 года.[6]

25 чэрвеня 2015 года да Укргазбанка быў далучаны неплацежаздольны банк «Київ», што прывяло да росту актываў і пасіваў.[7] 2015 год Укргазбанк скончыў з прыбыткам у 260 млн. грн.[8] Па выніках першага паўгоддзя 2016 года Банк увайшоў у пяцёрку найбуйнейшых банкаў Украіны па аб'ёме актываў (51,4 млрд. грн.)[9] За шэсць месяцаў 2016 года станоўчы фінансавы вынік Укргазбанка склаў 91,299 млн. грыўняў.[10]

31 мая 2016 года Укргазбанк датэрмінова і ў поўным аб'ёме пагасіў астатак запазычанасці па доўгатэрміновых крэдытах рэфінансавання і стабілізацыйным крэдытах,[11] атрыманымі ад НБУ яшчэ ў 2008—2009 гадах для падтрымання ліквіднасці і паляпшэння фінансавага стану ў рамках Праграмы фінансавага аздараўлення.

Укргазбанк стаў упаўнаважаным банкам на ажыццяўленне разлікаў па мытных плацяжах.[12] Адпаведнае рашэнне зацверджана пратаколам ДФС ад 09.06.2016 № 4, на падставе пункта 5.11 Парадка правядзення конкурсу па вызначэнні ўпаўнаважанага банка на ажыццяўленне разлікаў з дзяржаўным бюджэтам па мытных плацяжах, зацверджанага загадам Міністэрства фінансаў Украіны ад 29.09.2014 № 984, зарэгістраваным у Міністэрстве юстыцыі Украіны 26.11.2014 за № 1514/26291.

30 чэрвеня 2016 года рэйтынгавае агенцтва «Експерт-Рейтинг» прыняло рашэнне[13] аб павышэнні крэдытнага рэйтынгу Укргазбанка па нацыянальнай шкале да ўзроўню uaAА+. Пазычальнік з рэйтынгам uaAА+ характарызуецца высокай крэдытаздольнасцю ў параўнанні з іншымі ўкраінскімі пазычальнікамі.

Кіраўніцтва[правіць | правіць зыходнік]

  • Старшыня Праўлення — Кірыл Яўгенавіч Шэўчэнка
  • Першы намеснік Старшыні Праўлення — Кравец Андрэй Мікалаевіч
  • Намеснік Старшыні Праўлення — Васілец Наталія Яўгенаўна
  • Намеснік Старшыні Праўлення — Дубровін Аляксандр Віталевіч
  • Намеснік Старшыні Праўлення — Маскаленка Сяргей Іванавіч
  • Намеснік Старшыні Праўлення — Чэрнышоў Дзяніс Віктаравіч
  • Галоўны бухгалтар — Хрусталёва Наталія Генадзеўна

Прыярытэты развіцця[правіць | правіць зыходнік]

У 2016 годзе Укргазбанк абраў нішавую стратэгію развіцця «ЕКО-банку»[14] для павышэння энергаэфектыўнасці і энергетычнай незалежнасці Украіны, а таксама для ўсебаковай падтрымкі праектаў, звязаных з эфектыўным выкарыстаннем энергарэсурсаў і памяншэннем шкоднага ўздзеяння на навакольнае асяроддзе. 17 мая 2016 года Міжнародная фінансавая карпарацыя (IFC) і «Укргазбанк» падпісалі пагадненне па спрашчэнні доступу да фінансавання для кампаній, якія жадаюць увесці аднаўленчыя і энергазберагальныя тэхналогіі і дапамагчы раскрыць «зялёны» эканамічны патэнцыял краіны.[15]

Прыярытэтнымі напрамкамі ў развіцці Банка з'яўляецца работа з карпаратыўным, малым і сярэднім бізнесам, а таксама праца з фізічнымі асобамі.

Фінансавыя паказчыкі[правіць | правіць зыходнік]

Па выніках справаздачы фінансавай дзейнасці ў 2015 годзе актывы Укргазбанка склалі 41,5 мільярд грыўняў, яго прыбытак склаў 259 672 тысяч грыўняў.[16]

Актывы Укргазбанка на 1 студзеня 2014 года склалі 23793,944 мільёна грыўняў, крэдытны партфель — 10257,721 мільёонаў грыўняў, уласны капітал — 4522,482 мільёна грыўняў.[17] 2013 год банк скончыў з чыстым прыбыткам 1,002 мільярд грыўняў.

Па дадзеных міжнароднага рэйтынгавага агенцтва Fitch, да пачатку фінансавага крызісу, які прывёў да нацыяналізацыі банка, ААТ АБ «Укргазбанк» кантраляваўся дэпутатам Вярхоўнай Рады Васілём Горбалям (39%) і дэпутатам Кіеўрады Амяльяненка Аляксеем (29%).[18]

Рэкапіталізацыя[правіць | правіць зыходнік]

У выніку дзейнасці кіраўніцтва банка, НБУ і Міністэрства фінансаў па пераадоленні наступстваў фінансавага крызісу Кабінет міністраў Украіны у сакавіку 2011 года прыняў рашэнне аб правядзенні дакапіталізацыі банка на суму 4,3 млрд грн.

Структура ўласнасці[правіць | правіць зыходнік]

Па стане на 7 верасня 2015 года структура уласнасці з'яўляецца наступнай:[19][20]

Уладальнік акцый Працэнт эканамічных правоў
Дзяржава Украіна (Міністэрства фінансаў Украіны) 94,9409 %
Іншыя акцыянеры юрыдычныя і фізічныя асобы 1,2692 %
Эмітэнт АБ «Укргазбанк» (уласныя каштоўныя паперы) 3,7468 %

Зноскі

  1. Фінансова звітність АБ "УКРГАЗБАНК" за 2015 рік «МСФЗ» (укр.) . ukrgasbank.com (19 кастрычніка 2016). Праверана 23 чэрвеня 2017.
  2. Фінансова звітність АБ "УКРГАЗБАНК" за 2015 рік «МСФЗ» (укр.) . ukrgasbank.com (19 кастрычніка 2016). Праверана 23 чэрвеня 2017.
  3. Фінансова звітність АБ "УКРГАЗБАНК" за 2015 рік «МСФЗ» (укр.) . ukrgasbank.com (19 кастрычніка 2016). Праверана 23 чэрвеня 2017.
  4. Фінансова звітність АБ "УКРГАЗБАНК" за 2015 рік «МСФЗ» (укр.) . ukrgasbank.com (19 кастрычніка 2016). Праверана 23 чэрвеня 2017.
  5. Укргазбанк: Про банк (руск.) . Праверана 23 чэрвеня 2017.
  6. «Про затвердження переліку об'єктів державної власності, що мають стратегічне значення для економіки і безпеки держави» (укр.) . Праверана 23 чэрвеня 2017.
  7. Укргазбанк поглотил банк «Киев» (руск.) . Праверана 23 чэрвеня 2017.
  8. «Укргазбанк» отримав 260 мільйонів прибутку в 2015 році (укр.) . Праверана 23 чэрвеня 2017.
  9. «Укргазбанк» по итогам полугодия вошел в пятерку крупнейших банков Украины (руск.) . Праверана 23 чэрвеня 2017.
  10. «Укргазбанк» отримав 91 млн. гривень прибутку (укр.) . Праверана 23 чэрвеня 2017.
  11. Государственный Укргазбанк досрочно погасил стабилизационный кредит НБУ почти на 2 млрд грн (руск.) . Праверана 23 чэрвеня 2017.
  12. Оголошення про результати конкурсу з визначення уповноваженого банку на здійснення розрахунків з державним бюджетом за митними платежами (укр.) . Праверана 23 чэрвеня 2017.
  13. Повышен кредитный рейтинг АБ «УКРГАЗБАНК» (руск.) . Праверана 23 чэрвеня 2017.
  14. Фінансування ЕКО-проектів (укр.) . Праверана 23 чэрвеня 2017.
  15. IFC та «Укргазбанк» домовилися спростити доступ до «зелених» грошей (укр.) . Праверана 23 чэрвеня 2017.
  16. Річна фінансова звітність за міжнародними стандартами фінансової звітності (МСФЗ) 2015 рік (укр.) . www.ukrgasbank.com. Праверана 23 чэрвеня 2017.
  17. Річний звіт 2013 (укр.) . Праверана 23 чэрвеня 2017.
  18. Річний звіт 2013 (укр.) . Праверана 23 чэрвеня 2017.
  19. АТ Укргазбанк: Структура власності (укр.) . Праверана 23 чэрвеня 2017.
  20. Довідка про кількість акцій (укр.) . Укргазбанк (13 лютага 2013). Праверана 23 чэрвеня 2017.

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.