Уна Мэй Карлайл

Уна Мэй Карлайл
Асноўная інфармацыя
Дата нараджэння	26 снежня 1915(1915-12-26)[…]
Месца нараджэння	Зэйнсвіл[d], акруга Маскінгум[d], Агая, ЗША
Дата смерці	7 лістапада 1956(1956-11-07) (40 гадоў)
Месца смерці	Гарлем, Манхэтэн, Нью-Ёрк, Нью-Ёрк, ЗША
Месца пахавання	Джэймстаўн
Краіна	ЗША
Музычная дзейнасць
Прафесіі	джазвумен, аўтарка-кампазітар, спявачка, піяністка
Інструменты	фартэпіяна і вакал
Жанры	джаз, свінг і страйд[d]

Уна Мэй Карлайл (26 снежня 1915, Зэйнсвіл, Агая, ЗША — 7 лістапада 1956) — амерыканская джазавая спявачка, піяністка і аўтарка песень.

Ранні перыяд жыцця

Нарадзілася ў сям’і Эдварда і Мэлі Карлайл. Мела афрыканскае і індзейскае паходжанне. Маці навучыла яе іграць на фартэпіяна, а з трох гадоў яна выступала на сцэне.

Кар’ера

Дзіцём рэгулярна з’яўлялася на радыёстанцыі WHIO (AM) у Дэйтане, штат Агая.

У 1932 годзе яе заўважыў Фэтс Уолер, калі Карлайл працавала ў Цынцынаці (Агая), выступала ў прамых эфірах і на радыё. На манеру яе ігры на фартэпіяна вельмі моцна ўплываў стыль Уолера; яна грала ў стылі бугі-вугі і страйда і дадавала гумар у свае сэты.

Яна грала сольна з 1937 года, неаднаразова гастралявала па Еўропе і запісвалася з Уолерам у канцы 1930-х гадоў

У 1940-х гадах Карлайл запісвалася як лідарка для Bluebird Records з такімі сайменамі, як Лэстэр Янг, Бэні Картэр і Джон Кірбі. У яе было працяглае партнёрства з прадзюсарам, выдаўцом і менеджарам Джо Дэвісам, якое пачалося пасля сканчэння кантракту з Bluebird. Яе запісы пад кіраўніцтвам Дэвіса былі зроблены сумесна з Рэям Нэнсам, Бадам Джонсанам і Шэдоў Уілсанам.

Таксама дасягнула поспеху як аўтар песень. Яе песня 1941 года «Walkin' By The River» зрабіла яе «першай цемнаскурай жанчынай, кампазіцыя якой з’явілася ў чарце Billboard». Кэб Калоўэй і Пэгі Лі былі сярод тых, хто запісалі кавер на яе мелодыі. У яе было ўласнае радыё-шоу The Una Mae Carlisle Radio Show на WJZ-ABC, што зрабіла яе «першай чорнай амерыканкай, якая вядзе нацыянальнае радыё-шоу»; і тэлевізійныя праграмы ў канцы 1940-х гадоў. Яе апошнія запісы былі зроблены для Columbia Records з Донам Рэдманам у пачатку 1950-х гадоў.

Асабістае жыццё

Карлайл была ў шлюбе з Джонам Брэдфардам, былым гандлёвым мараком, яны ажаніліся ў 1941 годзе. Брэдфард быў уладальнікам Gee-Haw Stables, джазавай пляцоўкі ў Гарлеме.

Смерць

Карлайл цярпела на хранічны мастаідыт, што патрабавала неаднаразовых аперацый і шпіталізацый і вымусіла яе пайсці на пенсію ў 1952 годзе.

Памерла ад пнеўманіі ў бальніцы Гарлема ў 1956 годзе. Пахавана на Old Silvercreek Cemetery у Джэймстаўне, штат Агая.

Выбраная дыскаграфія

• «Tain’t Yours» b/w «Without You Baby» (Beacon, 1944)

Спасылкі

• Una Mae Carlisle на Discogs