Уолтэр Брунінг

Уолтэр Брунінг
Walter Breuning
Род дзейнасці	пенсіянер, былы чыгуначнік
Дата нараджэння	21 верасня 1896(1896-09-21)
Месца нараджэння	Мелроз[d], Стэрнс[d], Мінесота, ЗША
Дата смерці	14 красавіка 2011(2011-04-14) (114 гадоў)
Месца смерці	Грэйт-Фолс, акруга Каскейд[d], Мантана, ЗША
Грамадзянства	ЗША
Бацька	Джон Брунінг (1864—1915)
Маці	Кара Брунінг (1870—1917)
Жонка	Агнес
Узнагароды і прэміі	Рэкардсмен кнігі рэкордаў Гінэса як найстарэйшы з мужчын, якія жывуць на Зямлі.
Медыяфайлы на Вікісховішчы

Уолтэр Брунінг (англ.: Walter Breuning, 21 верасня 1896, Мелроз, Мінесота, ЗША — 14 красавіка 2011, Грэйт-Фолс, Мантана, ЗША) — доўгажыхар з ЗША. На момант яго смерці ва ўзросце 114 гадоў і 205 дзён ён быў найстарэйшым з мужчын, трэцім найстарэйшым жывых людзей увогуле. 27 снежня 2008 года, пасля смерці Джорджа Фрэнсіса, стаў найстарэйшым мужчынам у ЗША. Пасля смерці ветэрана Першай сусветнай вайны Генры Элінгема 18 ліпеня 2009 г., быў прызнаны найстарэйшым з жывых на той момант мужчын. Таксама, у свой 110-ы дзень нараджэння, ён быў прызнаны найстарэйшым з былых чыгуначнікаў у ЗША. Акрамя таго, Уолтэр Брунінг быў апошнім з мужчын, якія нарадзіліся ў 1896 годзе.

Цытаты

Брунінг аб сваім дзяцінстве: «Калі я ўспамінаю падзеі апошніх 100 гадоў, я магу толькі гадаць, якім было б цяпер жыццё без электрычнасці. Ніякіх аўтобусаў не было. Я памятаю, як хадзіў у школу пешшу ў халодную зіму. Нам даводзілася ссоўваць нашы парты бліжэй да дроўнай печкі, каб не змерзнуць. А пасля ўрокаў, нам зноў трэба было ісці пешшу па марозе. Усе ішлі — выбару проста не было.»

• На свой 112-ы дзень нараджэння, ён падзяліўся сваімі думкамі адносна ўласнага даўгалецця і добрай фізічнай формы: «Трымайце ў тонусе свой розум і цела, і тады вам пашчасціць надоўга затрымацца сярод жывых.»
• Калі Брунінга спыталі, чаму, аўдавеўшы ў 60 гадоў, ён не ажаніўся зноў, ён адказаў: «Другі шлюб ніколі не бывае сапраўдным. Зараз нават першы шлюб не бывае сапраўдным».

Гл. таксама

• Спіс найстарэйшых людзей у свеце