ФК Альмерыя
| ФК Альмерыя | |
|---|---|
| Заснаваны | 1989 |
| Горад | |
| Стадыён | Estadio de los Juegos Mediterraneos[d] |
| Уладальнік | Turki Abdulmuhsen A. AlAl-Shikh[d] |
| Галоўны трэнер | |
| Сайт | udalmeriasad.com |
«Альмерыя» (ісп.: Unión Deportiva Almería) — іспанскі футбольны клуб з аднайменнага горада, у аднайменнай правінцыі ў аўтаномнай супольнасці Андалусія.
Гісторыя[правіць | правіць зыходнік]
Папярэднікам клуба з’яўляецца футбольны клуб «Агрупасьён Дэпартыва Альмерыя» (ісп.: Agrupación Deportiva Almería), які быў заснаваны ў 1971 годзе. Шэраг спартовых няўдач і фінансавыя праблемы прывялі да таго, што ў 1982 году клуб быў расфармаваны. Праз сем гадоў (у 1989 годзе) быў заснаваны Футбольны клуб Альмерыя (ісп.: Almeria Club de Fútbol). У 2001 годзе адбылося аб’яднанне з клубам «Полідэпартыва Альмерыя» (ісп.: Polideportivo Almeria) і назва набыла сучаснае гучанне — Альмерыя (ісп.: Unión Deportiva Almería).
Асноўны стадыён клуба — «Хуэгас Медытэранеас» (ісп.: Estadio del Mediterráneo), умяшчальнасцю 25 000 гледачоў. Стадыён быў пабудаваны ў 2005 годзе спецыяльна да 15-ці Міжземнаморскіх гульняў, у рамках гэтага мерапрыемства на стадыёне прайшлі розныя спартыўныя спаборніцтвы, а таксама цырымоніі адкрыцця і закрыцця.