Хернінг

Населены пункт
Хернінг
дацк.: Herning
Герб
56°08′10″ пн. ш. 8°58′36″ у. д.
Краіна	DK
Гісторыя і геаграфія
Вышыня цэнтра	58 ± 1 м
Водныя аб’екты	Rind Å[d]
Насельніцтва
Насельніцтва	▲51 312 чал. (2024)
Лічбавыя ідэнтыфікатары
Паштовы індэкс	7400
herning.dk
Паказаць/схаваць карты
Хернінг
Медыяфайлы на Вікісховішчы

Хернінг (дацк.: Herning) — горад у Даніі. Знаходзіцца ў цэнтры паўвострава Ютландыя. Хернінг — адміністрацыйны цэнтр аднайменнай камуны, уваходзіць у склад регіёна Цэнтральная Ютландыя. Насельніцтва горада складае 48 531 чалавек (на 1 студзеня 2016 года).

Гісторыя

Хернінг называлі «сталіцай верасу» (hedens hovedstad): горад быў заснаваны на пачатку 19 стагоддзя падчас перыяду меліярацыі. У выніку гэтага працэсу насельніцтва горада значна павялічылася і ўзрос попыт на прадукцыю ды паслугі новых фермераў раёна. Хернінг узнік як раённы цэнтр гандлю.

У 1913 годзе Хернінг атрымаў права на правядзенне кірмашоў. Так Хернінг стаў вядомы на тэкстыль: ткацкая прамысловасць развівалася ў горадзе і вакол яго. Гэтая галіна калісьці была асноўнай эканамічнай дзейнасцю ў Хернінгу. Цяпер у горадзе знаходзяцца разнастайныя прамысловыя прадпрыемствы.

У 1965 ды 2003 гадах Хернінг стаў «горадам года ў Даніі» па версіі дацкай газеты «Юланс Постэн» (Jyllands-Posten).

У Хернінгу знаходзіцца буйнейшы ў Скандынавіі выставачны цэнтр Messecenter Herning.

Адукацыя

У Хернінгу знаходзіцца Інстытут бізнесу і тэхналогіі (Handels- og IngeniørHøjskolen), які з’яўляецца факультэтам сацыяльных навук Орхускага ўніверсітэта (Aarhus Universitet).

Мова

У Хернінгу, як і ў астатняй Ютландыі, шмат людзей, асабліва ў вёсках і мястэчках, размаўляюць на заходнім дыялекце дацкай мовы, які называецца ютландскі ці юцкі (jydsk, jysk).

Славутасці

У Хернінгу знаходзіцца Элія (Elia), унікальная манументальная праца скульптара Інгвара Кронгамара. Яна ўяўляе сабой чорны 60-метровы купал з чатырма лесвіцамі — 10 метраў у шырыню, якія ўкроеныя ў паверхню і глядзяць на чатыры кірункі свету.

Спасылкі

• На Вікісховішчы ёсць медыяфайлы па тэме Хернінг
• Афіцыйны турыстычны партал Хернінга (дацк.) (англ.) (ням.)
• Афіцыйны сайт камуны Хернінг (дацк.) (англ.) (ням.)
• Фестываль кароткіх стужак у Хернінгу Архівавана 10 красавіка 2010. (англ.)