Dongfeng Motor Corporation

Dongfeng Motor Corporation
Тып	вытворца аўтамабіляў[d], commercial vehicle manufacturer[d] і Chinese state-owned enterprise[d]
Заснаванне	1969
Краіна	Кітай
Адрас	Ухань
Галіна	аўтамабільная прамысловасць
Прадукцыя	грузавы аўтамабіль, аўтобус, light commercial vehicle[d], пазадарожнік і аўтамабіль
Абарот	602 млрд ¥ (2018)
Колькасць супрацоўнікаў	161 377 чал. (2012)
Матчына кампанія	State-owned Assets Supervision and Administration Commission of the State Council[d]
Даччыныя кампаніі	Dongfeng Motor Group Company Limited[d], Dongfeng Yulon[d] і Jiangsu Yueda Kia Motors[d]
Сайт	dfmc.com.cn (кіт.)

Dongfeng Motor Corporation — кітайская дзяржаўная аўтамабілебудаўнічая кампанія. Заснавана ў 1969 годзе. Штаб-кватэра месціцца ва Ухані.

Уваходзіць у топ-5 кітайскіх вытворцаў аўтамабіляў разам з FAW, Shanghai Automotive Industry Corporation, Changan Automobile і Chery Automobile. У 2022 годзе ў рэйтынгу, складзеным часопісам Fortune, DMC заняла 122-е месца сярод 500 найбуйнейшых кампаній свету.

Структура

У склад уваходзяць Dongfeng Passenger Vehicles, прэміум-брэнд Voyah і марка люксавых пазадарожнікаў Mhero. Аўтамабілі маркі Forthing выпускаюцца кампаніяй Dongfeng Liuzhou Motor, даччынай кампаніяй Dongfeng Motor Group. Dongfeng Sokon Automobile (скарочана DFSK) заснаваны ў 2003 годзе як сумеснае прадпрыемства з роўным долевым удзелам вытворцаў Dongfeng Motor і Chongqing Sokon Industrial Group.

Dongfeng мае чатыры цэнтры распрацоўкі: тры ў Кітаі — ва Ухані, Сян’яне і Шанхаі, і адзін у Швецыі, у Трольхетане.

З 2021 года тэхнічны цэнтр Dongfeng Motor Corporation ва Ухані ўзначальвае нямецкі дызайнер Хенінг Кнэпфле. Кнэпфле адказвае за брэнды Forthing, Voyah, Aeolus і eπ. Кіраўніком аддзела ў Шанхаі з’яўляецца Эндру Колінсан.

Прадукцыя

Dongfeng Motor выпускае розныя тыпы аўтамабіляў: легкавікі, пазадарожнікі, мінівэны і камерцыйныя аўтамабілі, у тым ліку пікапы, грузавікі, аўтобусы і спецыяльныя транспартныя сродкі.

Для выпуску легкавых аўтамабіляў створана тры платформы: модульная платформа DSMA для машын з рухавікамі ўнутранага згарання і гібрыднымі сілавымі агрэгатамі, Quantum для электрамабіляў, MORA для электрычных пазадарожнікаў.

Гл. таксама

• Dongfeng Mengshi

Спасылкі

• Eleonora Lilli. Chi è Dongfeng, quali auto produce e quanto costano (італ.). it.motor1.com (17 верасня 2024). Праверана 9 кастрычніка 2024.