Northrop Grumman Corporation

Northrop Grumman Corporation
Тып	самалётабудаўнічае прадпрыемства[d], вытворца ваеннай тэхнікі[d], бізнес, прадпрыемства, публічная кампанія і арганізацыя
Лістынг на біржы	Нью-Ёркская фондавая біржа
Заснаванне	1994
Краіна	ЗША
Адрас	Фолс-Чэрч[d]
Галіна	суднабудаванне, электронная прамысловасць[d], авіяцыйная прамысловасць[d], ваенная прамысловасць[d] і авіякасмічная прамысловасць[d]
Прадукцыя	ваенны самалёт[d]
Абарот	▲41 млрд $ (2024)
Аперацыйны прыбытак	▼3,6 млрд $ (2022)
Чысты прыбытак	▲8,36 млрд $ (2024)
Актывы	24,5 млрд $ (2015)
Капіталізацыя	76 млрд $ (2022)
Колькасць супрацоўнікаў	65 600 чал. (2015)
Даччыныя кампаніі	Northrop Grumman Aeronautics Systems[d], Northrop Grumman Defense Systems[d], Northrop Grumman Mission Systems[d], Northrop Grumman Space Systems[d], Northrop Grumman (United Kingdom)[d] і Northrop Grumman (Poland)[d]
Сайт	northropgrumman.com (англ.)

Northrop Grumman Corporation («Нортрап Груман Карпарэйшн») — ваенна-прамысловая і тэхналагічная карпарацыя ў ЗША.

Складаецца з 8 асноўных бізнес-сектараў, якія дзейнічаюць у 4 сферах вытворчасці: інфармацыя і паслугі, электроніка, авіякасмічная і суднабудаўнічая сфера.

Гісторыя

Заснавана Джонам Нортрапам у Хаўтарне, штат Каліфорнія пад назвай «Нортрап Эркрафт інкарпарэйтэд» (1939). У далейшым у склад кампаніі ўвайшлі «Груман» (1994), «Весцінгауз» (1996), «Лагікон» (1997), «Тэледайн Раян» (1999), «Літан» (2001), «Ньюпарт Ньюс» (2001), «TRW» (2002).

З 1959 года называлася «Нортрап карпарэйшн», у 1994 годзе змяніў назву на «Нортрап Груман карп».

На 2006 год штат работнікаў склаў каля 122000 чалавек, а абарот карпарацыі быў каля 30 млрд. долараў ЗША.

Прадукцыя

Першы серыйны прадукт: самалёт N-3PB для нарвежскіх ВПС (1940). Вядомыя прадукты: серыя самалётаў схемы «лятанае крыло», самалёты P-61, F-89, F-5, E-2 «Хокай», крылатая ракета SM-62 «Снарк».

Інфраструктура для разнастайных інф. сетак у маштабе ЗША, баявая сістэма інфармацыі пра мясцовасць (Combat Terrain Information System), радары для сістэм АВАКС і СТАРС (Joint STARS), электронныя сістэмы збору і аналізу інфармацыі, рабатэхніка.

Спадарожнікі ранняга папярэджання (Defense Support Program), касмічны тэлескоп «Джэймс Веб», сувязныя і разведвальныя ШСЗ. Проціракетны кінетычны знішчальнік (Kinetic Energy Interceptor).

«Нябачны» бамбардзір. B-2, беспілотны назіральнік «Глобал Хок», удзел у праграме знішчальніка F-35.

Серыя атамных ударных авіяносцаў «Німіц» (10 адзінак), серыя знішчальнікаў КРУ «Арлі Бурк» (24 адзінкі). Карпарацыя будуе серыю шматмэтавых дэсантных караблёў «Уосп», супольна з «Джэнерал Дайнэмікс Электрык Боўт» — серыю ПЛАРБ «Вірджынія». Адзіная ў ЗША кампанія, якая распрацоўвае, будуе і мяняе паліва атамнага авіяноснага флоту ЗША. Распрацоўвае перспектыўны знішчальнік КРУ «Цумвальт» (DDG-1000) і атамны авіяносец CVN-78.