Opel Zafira

З пляцоўкі Вікіпедыя
Перайсці да: рух, знайсці

Opel Zafira — сямімесны кампактвэн на базе Opel Astra. У мадэльным шэрагу кампаніі Opel з 1999 года.

На некаторых рынках прадаецца пад маркамі Vauxhall, Holden або Chevrolet, у Японіі прадавалася пад назвай Subaru Traviq.

Zafira A[правіць | правіць зыходнік]

Opel Zafira 1999-2003
Opel Zafira 2003-2005

Кампактвэн Opel Zafira A з'явіўся ў 1999 годзе, стаўшы першым аўтамабілем падобнага класа для кампаніі Opel. Асновай была расцягнутая і падоўжаная на 80 мм платформа Opel Astra G, які дэбютаваў годам раней.

У 2003 годзе Zafira зведала нязначны фэйсліфтынг. Аўтамабіль атрымаў новую, хромавую рашотку радыятара, а таксама новыя заднія ліхтары.

Выпуск аўтамабіляў першага пакалення завяршыўся ў 2005 годзе.

Рухавікі[правіць | правіць зыходнік]

Zafira дэбютавала з бензінавымі рухавікамі серыі ECOTEC аб'ёмам 1,6 л (74 кВт / 100 к.с.), 1,8 л (85 кВт / 116 к.с.) і дызельным рухавіком 2,0 л (60 кВт / 82 к.с.) з сістэмай упырска паліва CommonRail і тубранаддзіманнем. У 2000 годзе магутнасць бензінавага 1,8 была павялічана да 92 кВт (125 к.с.)

У 2001 годзе шэраг дапоўнілі бензінавыя 1,6 (71 кВт / 97 к.с.); 2,0 турба (141 кВт / 192 к.с.); 2,2 (108 кВт / 147 к.с.) і дызельны 2,0 (74 кВт / 100 к.с.) з сістэмай упырска CommonRail (Bosch VP44) і тубранаддзіманнем (Garret T15). У 2002 дадаўся тубрадызельны 2,2 (92 кВт / 125 к.с.).

У 2003 годзе магутнасць бензінавага наддзіманага рухавіка 2,0 павялічана да 147 кВт (200 к.с.).

Бяспека[правіць | правіць зыходнік]

Вынікі тэсту Euro NCAP, 2001 год[1]
Euro NCAP4.svg Бяспека дарослых пасажыраў Star*.svgStar*.svgStar*.svgEmpty Star.svgEmpty Star.svg 22
Euro NCAP2.svg Бяспека пешаходаў Heraldic pentacle.svgHeraldic pentacle.svgEmpty Star.svgEmpty Star.svg 13
Пратэставаны аўтамабіль — Opel Zafira 1,8

Франтальны краш-тэст выявіў недастатковую структурную трываласць кузава[2]. Манекен-кіроўца стукнуўся аб руль галавой і грудзьмі. Ногі і калені пярэдніх седакоў таксама дрэнна абаронены ад удараў, а траўмабяспечныя педалі, якія пры аварыі павінны выпадаць з мацаванняў, сябе не апраўдалі і засталіся на сваіх месцах — пры правядзенні тэста сістэма складання педаляў PRS (Pedal Release System) не спрацавала належным чынам. Але пры бакавым краш-тэсце Zafira паказала сябе добра: хоць бакавыя падушкі тут звычайныя і не абараняюць галаву і плечы, ні адзін з датчыкаў манекена не зафіксаваў небяспечных нагрузак.

У выніку, з 6 баламі за франтальны удар і 16 за бакавы, машына атрымала рэйтынг бяспекі тры зоркі.

Zafira B (2005 — ...)[правіць | правіць зыходнік]

Opel Zafira ІІ 2005-2008
Opel Zafira ІІ

Дэбют другога пакалення аўтамабіля Опель Зафіра адбыўся ў Еўропе ў 2005 годзе. Аўтамабіль атрымаў агульную платформу з Opel Astra H.

У 2008 годзе Zafira B падвергнулася рэстайлінгу.

Zafira B працягвае выпускацца, нягледзячы на запуск новага пакалення — Zafira Tourer C.


Zafira Tourer C (2012 — ...)[правіць | правіць зыходнік]

Opel Zafira Tourer C

Трэцяе пакаленне Opel Zafira (афіцыйная назва Zafira Tourer) было прадстаўлена 25 верасня 2011 года на 15-й IAA у Франкфурце. Серыйная вытворчасць пачалася 14 студзеня 2012 года.

Зноскі

  1. https://www.euroncap.com/en/ratings-rewards/latest-safety-ratings/en/results/opel/vauxhall/zafira/15553
  2. Краш-тест EuroNCAP: cемь компактвэнов и Nissan Almera // Авторевю : часопіс. — 2001. — № 12 (245). (руск.) 

Літаратура[правіць | правіць зыходнік]

Гл. таксама[правіць | правіць зыходнік]