The Velvet Underground

The Velvet Underground
Асноўная інфармацыя
Жанры	арт-рок, нойз-рок, альтэрнатыўны рок, рок-музыка, эксперыментальны рок[d], фолк-рок, блюз-рок, псіхадэлічны рок, авангардная музыка[d], прота-панк[d], дроўн[d] і нойз[d]
Адкуль	Нью-Ёрк
Мовы песень	англійская
Лэйблы	Verve Records[d], Polydor Records[d], Sire[d], Mercury Records[d], MGM Records[d], Atlantic Records і Cotillion[d]
Склад	Lou Reed[d] Джон Кэйл Maureen Tucker[d] Sterling Morrison[d] Nico[d]
velvetundergroundmusic.com
The Velvet Underground на Вікісховішчы

The Velvet Underground (у перакладзе з англійскай — «аксамітнае падполле») — амерыканскі рок-гурт 1960-х і 1970-х гадоў, які стаяў ля вытокаў альтэрнатыўнай і эксперыментальнай рок-музыкі. Назву часта скарачаюць да V.U. або The Velvets. Ключавыя ўдзельнікі Velvet Underground — Лу Рыд і Джон Кейл, адносна паспяхова працягнулі сольную кар’еру пасля сыходу з гурта.

Кружэлкі гурта прадаваліся невялікімі накладамі, але Velvet Underground аказалі велізарны ўплыў на лёс рок-музыкі. Добра дэманструе уплыў Velvet Underground вядомая фраза (якую часта прыпісваюць Браяну Іна), што мала хто купляў пласцінкі Velvet Underground у той час, калі яны выходзілі, але кожны, хто купіў, заснаваў свой уласны гурт. Крытыкі згаджаюцца, што творчасць гурта стала паваротным момантам у гісторыі рок-музыкі. Velvet Underground былі аднім з першых гуртоў, хто эксперыментаваў у авангардным напрамку. Складаны, эксперыментальны гук і жорсткія, рэалістычныя тэксты Лу Рыда аказалі моцны ўплыў на развіццё панка, нойз-року і альтэрнатыўнага року.