Адукацыю атрымаў у Еўрапейскім каледжы кіно[en] (Капенгаген). Пасля выпуску займаўся здымкамі рэкламных ролікаў і працаваў на тэлебачанні. Дэбютам у вялікім кіно стала карціна «Рэпрыза», прэм’ера якой адбылася 3 ліпеня 2006 года ў межах асноўнай конкурснай праграмы Кінафестывалю ў Карлавых Варах. 9 верасня 2006 года Трыер адправіўся на 31-ы Міжнародны кінафестываль у Таронта, дзе добра зарэкамендаваў свой праект; стужкай зацікавіліся Харві і Боб Вайнштэйны і дапамаглі спрадзюсіраваць праект у ЗША. Другая праца, «Осла, 31-га жніўня» ўмацавала статус пачаткоўца і прынесла шырокую вядомасць у Еўропе і вялікую колькасць узнагарод. У наступнай працы, фільме «Грамчэй, чым бомбы», зняліся Ізабэль Юпер, Джэсі Айзенберг і Гэбрыэл Бірн. Стужка «Тэльма» атрымала поспех на кінафестывалях па ўсім свеце.
Медыяфайлы на Вікісховішчы
