Ілірыйскія імператары
Ілірыйскія імператары — сукупная назва, якой пазначаецца група імператараў, што кіравала Старажытным Рымам у 268—282 гг. — ад смерці Галіена (268 г. н.э.) да пачатку кіравання Дыяклетыяна. Сваю мянушку атрымалі па правінцыі Ілірыя на Балканскім паўвостраве, адкуль былі родам найбольш значныя імператары гэтага перыяду, якія значны час захоўвалі сваю ўладу: Клаўдзій II, Аўрэліян і Проб. Час ілірыйскіх імператараў — пераходны, гэта перыяд станаўлення новай формы кіравання — дамінату.