Ксанторыя

Ксанторыя (Xanthoria) — род лішайнікаў сямейства Teloschistaceae. На Беларусі 6 відаў.

Біялагічнае апісанне

Слаявішча ліставатае, складаецца з адной або некалькіх прыціснутых або прыўздыбленых да субстрату лістападобных пласцінак і лускавінак, з часцей жаўтлявай або чырванавата-аранжавай верхняй паверхняй, ад гідраксіду калія робіцца ярка-чырвонай. Ніжняя паверхня пакрыта кароткімі рызоідамі, светла-карычневага або бялёсага колеру.

Характэрны колер надае лішайнікам асаблівае рэчыва - парыецін, якое ў выглядзе крышталяў пакрывае верхні пласт. Ніжні бескаляровы або з нешматлікімі парыецінавымі крышталямі.

Эпітэцый жаўтлявы, ад KOH робіцца ярка-чырвоным. Тэцый і гіпатэцый бясколерныя.

Споры бясколерныя, эліптычныя. Канідыі прамыя, падоўжана-эліптычныя, кароткія.