Касцёл Святой Ганны (Варонча)

Касцёл святой Ганны, фасад

Касцёл святой Ганны ў Варончы — познекласіцыстычны барочны храм, на паўднёва-заходняй ускраіне вёскі.

Гісторыя

• 1773 (паводле іншых звестак — 1781 або 1809): пабудаваны па фундацыі навагрудскага ваяводы Юзафа Несялоўскага, асвячоны віленскім біскупам Ігнаціем Масальскім.
• 1816: фундатар пахаваны ў крыпце касцёла.
• 1943: спалены савецкімі партызанамі.
• 1950-я: часткова ўзарваны.
• 1995: служба адноўленая, касцёл адбудаваны.

Фундацыйная табліца Несялоўскага

У касцёлы былі хрышчоныя Ян Чачот і Марыля Верашчака — каханая Адама Міцкевіча. Марыля тут жа ўзяла шлюб з графам Ваўжынцам Путкамерам. Каля касцёла знаходзяцца 4 магілы Булгакаў.

Архітэктура

Храм уяўляе сабой мураваную трохнефавую, двухвежавую базіліку ў сімбіёзным барочна-класіцыстычным стылі. Галоўны фасад з шасцікалённым порцікам, завершаны антаблементам, фланкіраваны дзвюма трох’яруснымі купальнымі вежамі з трохкутным франтонам паміж імі. У інтэр’еры — роспіс на архітэктурныя матывы.

З тылу касцёлу ўмураваная фундацыйная табліца з гербам Юзафа Несялоўскага і яго жонкі з роду Масальскіх.

Пробашчы

• а. Януш Вітоўскі.

Літаратура

• Варонча. Касцёл святой Ганны // Кулагін А. М. Каталіцкія храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мн.: БелЭн, 2001. — 216 с.: іл. ISBN 985-11-0199-0. С. 22

Глядзіце таксама

• На Вікісховішчы ёсць медыяфайлы па тэме Касцёл Святой Ганны (Варонча)
• Касьцёл Сьв. Ганны ў в. Варонча на Radzima.org
• Варонча: парафія п.н. св. Ганны // Гродзенская Рыма-Каталіцкая Дыяцэзія на Беларусі — VII. Дэканат Навагрудак