Алентан

Вонкавыя выявы
	Від на Павуковы мост

Алентан (англ.: Allenton) — адзін з дваццаці сямі прыгарадаў горада Дэрбі, Англія, размешчаны прыкладна за 3 мілі на поўдзень ад цэнтра Дэрбі, паміж раёнамі Асмастан, Боўлтан, Элвастан і Шэлтан-Лок.

Гісторыя

Алентан (былы Алентаўн, англ.: Allentown) быў названы ў гонар Ісака Алена, які пабудаваў у гэтым месцы першыя дамы ў 1878 годзе. Сто дваццаць тысяч гадоў таму, падчас пацяплення ў ходзе Ледніковага перыяду, уся гэтая вобласць уяўляла сабой балота на беразе ракі, дзякуючы чаму пры будаўніцтве ў Алентоне былі знойдзеныя косткі бегемота, слана, бурага мядзведзя, гіены і нават зубра. Самая вядомая знаходка, алентанскі бегемот, была знойдзеная пры земляных работах каля гасцініцы Crown Hotel(заснавана ў 1891 годзе). Алентон тады быў вёскай у 5 кіламетрах ад Дэрбі. У сакавіку 1895 пры правядзенні земляных работ для пабудовы сцяны ў Crown Inn адчуўся благі пах, а следам былі выяўленыя дзіўныя вялікія косткі ^[1]. Было вырашана ўкласці сродкі ў далейшыя пошукі і падзяліцца гэтай знаходкай з грамадскасцю. Раскопкі працягваліся на плошчы ў 4,5 кв.м., хоць дно раскопак пакрылася вадой, праступіла на глыбіні ў 1,8 м. Вада адкачвалася помпамі; за працай назіралі Бемроўз (H. H. Bemrose) і Дзірлі (R. M. Deeley), які пазней напісаў справаздачу аб раскопках ^[1]. Косткі былі перададзеныя ў Музей Дэрбі, на той момант ужо 16 гадоў як адкрыты ^[2], дзе экспануюцца і дагэтуль.

У ліпені 1973 рабочыя знайшлі ў тых месцах і іншыя косткі, частка з якіх таксама выстаўлена ў Музеі і мастацкай галерэі Дэрбі — мядзведзя, аленя, быка, гіпапатама, насарога і слана. Знаходкі ўтрымлівалі па 1-2 косткі, самай буйной з іх апынуўся вялікі зуб гіпапатама ^[3]. У 2006 для захавання ў скульптуры гісторыі рэгіёну ў Алентон Гарадскім саветам быў запрошаны Майкл Дэн Арчэр (Michael Dan Archer). Ён выкарыстаў лазернае сканіраванне костак у музеі Дэрбі для далейшага іх водціску. Скульптура ўяўляе сабой тры секцыі разарванага круга дастатковага памеру, каб сядзець на іх; на паліраванай іх паверхні размешчаны чыгунныя копіі костак бегемота ^[4].

Гандаль і паслугі

У Алентане размешчаны буйны рынак пад адкрытым небам, які з'яўляецца адным з найбуйнейшых гандлёвых цэнтраў Дэрбі. Менавіта каля рынка была ў 2007 годзе ўстаноўлена скульптура працы Арчэра з копіямі костак Алентанскага бегемота.

У Алентане дзейнічае цэлы шэраг рэстаранаў і кафэ, а таксама некалькі пабаў, у тым ліку The Mitre і The Crown Inn (у гасцініцы Crown Hotel). Мясцовая пажарная станцыя знаходзіцца ўсяго за некалькі сотні метраў ад рынку, што забяспечвае малы час рэагавання. Стары Канал Дэрбі перабудаваны ў веласіпедную дарожку, якая вядзе з Алентана акурат у цэнтр Дэрбі і з'яўляецца часткай нацыянальнай веласеткі. У Алентане знаходзіцца вытворчасць рэактыўных авіярухавікоў кампаніі Rolls-Royce plc.

Павуковы мост

Галоўная славутасць Алентана — Павуковы мост. Ён так названы за тое, што складаецца з васьмі «ног», якія распасціраюцца ў чатырох напрамках. Для пад'ёму на мост служаць лесвіцы і рампы для інвалідаў. Мост быў узведзены ў 1971 годзе і за час службы неаднаразова перафарбоўваўся ў розныя колеры.

Павуковы мост, від на поўнач
Павуковы мост, від на паўночны ўсход
Павуковы мост, від на ўсход
Павуковы мост, від на паўднёвы ўсход
Павуковы мост, від на поўдзень
Павуковы мост, від на паўднёвы захад
Павуковы мост, від на захад
Павуковы мост, від на паўночны захад

Зноскі

↑ ^а ^б Arnold Bemrose, HH; RMDeeley (August 1896). "Discovery of Mammalian Remains in the Old River-gravels of the Derwent near Derby". J. of the Geological Society. {{cite journal}}: |access-date= патрабуе |url= (даведка)
↑ Derby Museum Treasures Архівавана 7 мая 2011.
↑ Grange, William (2003). When Hippos ... Swam in the Derwent. Derby Museum and Art Gallery.
↑ Archer, Michael Dan. Derby Sculpture (нявызн.)(недаступная спасылка). archersculpture.co.uk. Архівавана з першакрыніцы 4 чэрвеня 2011. Праверана 5 January 2011.

Спасылкі

Фотаздымкі Алентона Архівавана 29 верасня 2006.
thisisderbyshire.co.uk // Алентон Архівавана 30 жніўня 2009.

[bemrose-1] а ^б Arnold Bemrose, HH; RMDeeley (August 1896). "Discovery of Mammalian Remains in the Old River-gravels of the Derwent near Derby". J. of the Geological Society. {{cite journal}}: |access-date= патрабуе |url= (даведка)

[2] Derby Museum Treasures Архівавана 7 мая 2011.

[grange-3] Grange, William (2003). When Hippos ... Swam in the Derwent. Derby Museum and Art Gallery.

[archer-4] Archer, Michael Dan. Derby Sculpture (нявызн.)(недаступная спасылка). archersculpture.co.uk. Архівавана з першакрыніцы 4 чэрвеня 2011. Праверана 5 January 2011.

[1]

[2]

[3]

[4]