Арыяна Грандэ

Арыяна Грандэ
англ.: Ariana Grande
Асноўная інфармацыя
Дата нараджэння	26 чэрвеня 1993(1993-06-26)[…] (30 гадоў)
Месца нараджэння	Boca Raton[d], акруга Палм-Біч[d], Фларыда, ЗША
Краіна	ЗША
Муж	Dalton Gomez[d]
Альма-матар	Pine Crest School[d] North Broward Preparatory School[d]
Музычная дзейнасць
Прафесіі	філантроп, аўтар-выканаўца, акцёрка, музычны прадзюсар, мадэль, танцоўшчыца, актрыса агучвання
Пеўчы голас	сапрана
Інструменты	гітара, фартэпіяна, вакал і ударныя музычныя інструменты
Жанры	поп-музыка, сучасны рытм-н-блюз[d], рытм-н-блюз, Самба, данс-поп[d], соўл[d] і электрапоп[d]
Грамадская дзейнасць
Член у	Victorious Cast[d]
Узнагароды	Billboard Music Awards Nickelodeon Kids' Choice Awards[d] Honorary citizen of Manchester[d] (ліпень 2017) American Music Award for Artist of the Year[d] American Music Award for New Artist of the Year[d]
Аўтограф
arianagrande.com
Медыяфайлы на Вікісховішчы
Цытаты ў Вікіцытатніку

Арыяна Грандэ-Бутэра (англ.: Ariana Grande-Butera; нар. 26 чэрвеня 1993, Бока-Ратон, Фларыда, ЗША) — амерыканская спявачка, актрыса, аўтар песень, музычны прадзюсар, уладальніца прэміі «Грэмі».

Біяграфія

Прафесійную кар’еру ў шоу-бізнесе Арыяна Грандэ пачала ў 2008 годзе ў брадвейскім мюзікле «13». У 2009 годзе яна атрымала ролю Кэт Валентайн у тэлевізійным серыяле «Вікторыя-пераможца» на канале Nickelodeon, потым працягнула гуляць яе ў тэлесерыяле «Сэм і Кэт», які выходзіў у 2013—2014 гадах. Арыяна таксама прымала ўдзел у запісе саўндтрэкаў і агучванні мультфільмаў (у прыватнасці, мультсерыяла «Клуб Вінкс»). У 2015 годзе яна вярнулася на тэлеэкраны з эпізадычнай роляй Соні Херфман у серыяле «Каралевы крыку».

Музычная кар’ера Арыяны пачалася ў 2011 годзе з запісу саўндтрэку да серыяла «Вікторыя-пераможца». У тым жа годзе яна заключыла кантракт з гуказапісвальнай кампаніяй Republic Records. У 2013 годзе ў яе выйшаў дэбютны альбом Yours Truly, які дэбютаваў на першым месцы ў амерыканскім чарце Billboard 200. Песня The Way з гэтага альбома займала ўпэўненыя пазіцыі ў першай дзясятцы чарта Billboard Hot 100, яе станоўча сустрэлі музычныя крытыкі.

Наступны альбом Арыяны Грандэ, My Everything (2014), таксама дэбютаваў на першай пазіцыі ў амерыканскім чарце. Альбом меў сусветны поспех дзякуючы хітам «Problem», «Break Free», «Bang Bang» і «Love Me Harder». З некалькімі песнямі з яго спявачка 34 тыдні бесперапынна знаходзілася ў першай дзясятцы амерыканскага чарта Billboard Hot 100. У 2015 годзе яна адправілася ў сусветны тур у падтрымку гэтага альбома, азагалоўлены The Honeymoon Tour.

У 2016 годзе Арыяна выпусціла альбом Dangerous Woman (2016, 2-е месца ў ЗША), кліп на сінгл «Side To Side» з дадзенага альбома мае больш за мільярд праглядаў на YouTube. У наступным годзе спявачка адправілася ў сусветнае турнэ Dangerous Woman Tour. 22 траўня 2017 года на канцэрце Арыяны ў Манчэстэры адбыўся тэракт. Грандэ прыпыніла тур і зладзіла дабрачынны канцэрт, каб сабраць грошы для пацярпелых у тэракце.

Наступны альбом — Sweetener — выйшаў у 2018 годзе і заняў 1-е месца ў ЗША. Альбом быў прызнаны Амерыканскай акадэміяй гуказапісу найлепшым поп-альбомам 2018 года. Праз некалькі месяцаў пасля рэлізу альбома Sweetener, Арыяна Грандэ выпусціла альбом Thank U, Next (2019), які таксама заняў першы радок амерыканскага чарта Billboard 200. Альбом паўтарыў рэкорд гурта The Beatles: тры сінглы з Thank U, Next («7 Rings»), «Break Up With Your Girlfriend, I’m Bored» і «Thank U, Next») занялі першыя тры пазіцыі чарта Billboard Hot 100 адначасова. Песні Арыяны Грандэ часта б’юць рэкорды на стрымінг-сэрвісе Spotify. 18 сакавіка 2019 спявачка адправілася ў сусветнае турнэ Sweetener World Tour у падтрымку альбомаў Sweetener і Thank U Next.