Блэк-Хілскі дзяржаўны ўніверсітэт

Блэк-Хілскі дзяржаўны ўніверсітэт
англ.: Black Hills State University
Арыгінальная назва	англ.: Black Hills State University
Заснаваны	1883
Студэнты	3 608
Краіна	ЗША
Размяшчэнне	Спірфіш, Паўднёвая Дакота, ЗША
Сайт	bhsu.edu

Блэк-Хілскі дзяржаўны ўніверсітэт (англ.: Black Hills State University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Спірфіш у штаце Паўднёвая Дакота, ЗША.

Агульная характарыстыка

Папярэднік сучаснага ўніверсітэта дзейнічаў з 1881 па 1883 год і называўся Дакотскім каледжам або Дакотскай акадэміяй. Ён фінансаваўся Кангрэгацыйнай царквой. У 1883 годзе ў падтрымку новай вучэльні Джон Маўэр выставіў на продаж участак зямлі. Джозэф Рамсдэл сабраў грошы ў ахвярадаўцаў і купіў гэтую зямлю. Новая школа, заснаваная тэрытарыяльным заканадаўчым сходам Дакоты, атрымала назву "Дакотская тэрытарыяльная нармальная школа", а ў канцы 1883 года быў пабудаваны часовы будынак для яе. Вучэльня неафіцыйна была вядома як педагагічны каледж у 1920-1930-х гадах, яе назва была афіцыйна зменена на Блэк-Хілскі педагагічны каледж у 1941 годзе. Назва вучэльні паходзіць ад горнага масіва Блэк-Хілс.

Сучасны кампус універсітэта складаецца з 50 га і 20 будынкаў. Будаўніцтва было завершана ў 2009 годзе, што больш чым удвая павялічыла колькасць месцаў, даступных для студэнтаў. Навуковы будынак коштам 8 мільёнаў долараў быў адкрыты ў 2011 годзе. Шэсць інтэрнатаў і васьмікватэрны комплекс змяшчаюць каля 1000 студэнтаў. Спартыўныя каманды вучэльні вядомыя як "Жоўтыя курткі". Універсітэт удзельнічае ў Лёгкаатлетычнай канферэнцыі рэгіёна Скалістых гор. Мужчынскія спартыўныя каманды ўключаюць у сябе баскетбол, крос, футбол і лёгкую атлетыку. Жаночыя спартыўныя каманды ўключаюць у сябе баскетбол, крос, гольф, футбол, софтбол, лёгкую атлетыку, трыятлон і валейбол.

Структура

• Каледж бізнесу і прыродазнаўчых навук
• Каледж адукацыі і паводніцкіх навук
• Каледж вольных мастацтваў

Гл. таксама

• Спіс універсітэтаў штата Паўднёвая Дакота

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная інтэрнэт-старонка ўстановы