Прагляд зыходнага тэксту старонкі Бібракта

[[Файл:Plan Bibracte-fr.svg|thumb|right|350px|План Бібракты]]

'''Бібракта''' (''Бібрактэ'', ''Bibracte'', {{lang-el|Βίβρακτα}}, {{lang-el2|Βίβραξ}}) — горад і культавы цэнтр [[Галы|галаў]] (кан. 1-га тыс. да н.э. — IV ст. н.э.), цяпер гарадзішча [[Мон-Беўрэ]] каля горада [[Ацён]] ([[Францыя]]).

Гэта — адзін з найвядомых [[апідум]]аў Галіі, быў галоўным палітычным і значным гандлёва-рамесным цэнтрам кельцкага племя [[Эдуі|эдуяў]]. Меў плошчу каля 135 [[гектар]]аў і знаходзіўся на плато ўзгорка [[Баўрэ]], які быў звязаны з далінай ракі [[Луара|Луары]] і басейнам [[Сена (рака)|Сены]].

Быў акружаны высокімі сценамі, унутры якіх вылучаліся некалькі падзеленых вуліцамі кварталаў, нягледзячы на адсутнасць выразнай геаметрычнай планіроўкі. Пад'язная дарога да яго падыходзіла з паўночнага ўсходу. Вада да майстэрняў падавалася з паўднёвай часткі горада па каналах, якія мелі глыбіню ў 5 метраў. Дамы будаваліся з дрэва і каменя, пакрываліся саломай або, радзей, дахоўкай.

Адзін з кварталаў займаў рынак, які адыгрываў важную ролю ў жыцці горада. Побач з кірмашом знаходзілася свяцілішча [[Кельты|кельтаў]].

У канцы 1 стагоддзя да нашай эры насельніцтва было выселена рымлянамі ў Аўгустадунум ([[Ацён]]), але горад заставаўся цэнтрам культу мясцовай багіні да 4 стагоддзя, і гарадскі кірмаш, відаць, таксама працягваў функцыянаваць — яна была добра вядомая ў [[Сярэднявечча|Сярэднявеччы]], а гандлёвыя здзелкі на гэтым месцы працягвалі заключацца аж да XX ст.

Падчас раскопак рыначнай плошчы былі выяўлены 1579 манет, з якіх 430 былі сцертымі і няскончанымі, 1006 — гальскімі, 27 — грэчаскімі, 114 — рымскімі, 1 — кельтыберская і 1 маўрытанская.

У [[58 да н.э.|58 годзе да н.э.]] каля Бібракты адбылася бітва паміж племем гельветаў і шасцю рымскімі легіёнамі пад камандаваннем [[Гай Юлій Цэзар|Гая Юлія Цэзара]]<ref>{{ВТ-ЭСБЕ|Бибракта}}</ref>, якая атрымала ў гістарыяграфіі назву [[Бітва пры Бібракце]].

{{зноскі}}

== Спасылкі ==
{{Commons|Category:}}
* Вера Буданова [http://his.1september.ru/article.php?ID=200301501 Мир варваров] {{Архівавана|url=https://web.archive.org/web/20160304194413/http://his.1september.ru/article.php?ID=200301501 |date=4 сакавіка 2016 }} // журнал «История» № 15/2003
* [http://slovari.yandex.ru/бибракта/БСЭ/Бибракта/ Бибракта]{{Недаступная спасылка}} // БСЭ
* [http://dic.academic.ru/dic.nsf/lubker/4198/БИБРАКТА Бибракта] // Реальный словарь классических древностей. Под редакцией Й. Геффкена, Э. Цибарта. — Тойбнер. Ф. Любкер. 1914.

[[Катэгорыя:Геаграфія Галіі]]
[[Катэгорыя:Гарады Галіі]]
[[Катэгорыя:Населеныя пункты кельцкай Галіі]]
[[Катэгорыя:Колішнія гарады Еўропы]]