Прагляд зыходнага тэксту старонкі Гроб Гасподні

[[Файл:Fra Angelico 019.jpg|thumb|«Жонкі-міраносіцы каля Гроба Гасподняга», фрэска [[фра Беата Анжэліка]].]]

'''Гроб Гасподні''' ці '''Святы Гроб''' ({{lang-el|'''Αγιος Τάφος'''}}) — галоўная святыня [[Хрысціянства|хрысціянскага]] свету — пячора, магільня ў скале, куды, паводле [[Евангелле|Евангелля]], быў пахаваны [[Ісус Хрыстос]] і на трэці дзень [[Уваскрэсенне Ісуса Хрыста|уваскрэс]]. Цяпер магільня — галоўны [[алтар]] [[Храм Гроба Гасподняга|Храма Гроба Гасподняга]] ў [[Іерусалім]]е.

Паводле традыцыі, магільня знаходзілася за гарадской сцяной, на паўночным захадзе ад Іерусаліма, паблізу [[Галгофа|Галгофы]]. На пачатку IV ст. над ёю пабудавана Кувуклія Храма Гроба Гасподняга.

У пераносным сэнсе, асабліва ў крыніцах [[Сярэднявечча]], Гроб Гасподні — уся [[Святая зямля]] ([[Палесціна]]), дзе знаходзіцца гэта святое для хрысціян месца.

== Барацьба за вызваленне Святога Гроба ==
{{main|Крыжовыя паходы}}
З 637 года Палесціна была пад уладай мусульман. З часам калі ідэя заняцця Святой зямлі і Гроба Гасподняга распаўсюдзілася сярод заходніх хрысціян. На афіцыйным узроўні яна была агучана 24 лістапада 1095 года ў [[Клермон-Феран|Клермоне]] Папам [[Урбан II|Урбанам II]], ён заклікаў да збройнага паходу на ўсход. Яго заклік спарадзіў Першы Крыжовы паход, падчас якога ў 1099 годзе мясціны са Святым Гробам былі заняты хрысціянамі. Аднак гэты вынік Крыжовых паходаў быў часовым і абмежаваным, праз 88 гадоў, у 1187 годзе, Іерусалім быў страчаны хрысціянамі. І хоць крыжакі яшчэ вярталі сабе Святы горад на кароткі час, у верасні 1244 года яны пазбавіліся яго канчаткова. З таго часу Палесціна была пад уладай мусульман да 1918 года, калі яе занялі англійскія войскі падчас [[Першая сусветная вайна|Першай сусветнай вайны]]. З 1922 года англічане кіравалі тут на падставе [[Брытанскі мандат у Палесціне|Брытанскага мандата]].

{{Мёртвы Хрыстос}}

[[Катэгорыя:Мукі Хрыстовы]]
[[Катэгорыя:Хрысціянскія рэліквіі]]
[[Катэгорыя:Геаграфія Евангелляў]]
[[Катэгорыя:Месцы паломніцтва]]
[[Катэгорыя:Славутасці Іерусаліма]]
[[Катэгорыя:Пахавальні]]