Дойчэ банк Парк

Дойчэ банк Парк
Месцазнаходжанне	Франкфурт-на-Майне, Германія
Пабудаваны	1925
Адкрыты	21 мая 1925
Архітэктар	Gerkan, Marg and Partners[d]
Уладальнік	Франкфурт-на-Майне
Забудоўшчык	Max Bögl[d]
Хатняя каманда	Айнтрахт Франкфурт
Умяшчальнасць	51 500 (футбол) 48 500 (месцаў для сядзення) 65 000 (канцэрты)
Памеры поля	105х68 м
Сайт	deutschebankpark.de (ням.)
Медыяфайлы на Вікісховішчы

Дойчэ банк Парк (ням.: Deutsche Bank Park); да 1 мая 2005 года Вальдштадыён (ням.: Waldstadion, лясны стадыён; да 1 ліпеня 2020 года Камерцбанк-Арэна (ням.: Commerzbank-Arena, лясны стадыён) — стадыён у горадзе Франкфурт-на-Майне, Германія. Хатняя арэна футбольнага клуба Айнтрахт, у 1991—2007 гадах на ім таксама праводзіла хатнія матчы каманда па амерыканскім футболе Франкфурт Гэлаксі.

Стадыён размешчаны на поўдзень ад ракі Майн у лясным масіве Frankfurter Stadtwald у гарадскім раёне Заксенгаўзен (Sachsenhausen). Адкрыты ў 1925 годзе і з тых часоў некалькі разоў мадэрнізаваны стадыён быў з 2002 па 2005 год перабудаваны ў чыста футбольны стадыён з нагоды чэмпіянату свету па футболе ў 2006. Умяшчая 51 500 гледачоў, ён уваходзіць у дзесятку буйнейшых футбольных стадыёнаў Германіі.

Характэрнай асаблівасцю стадыёна з'яўляецца дах намётавага тыпу плошчай у 37 500 кв.м., які нагадвае кола са спіцамі. Дах вагой у 3 000 тон падтрымліваецца 44 калонамі.

Спартыўны комплекс знаходзіцца ва ўласнасці горада Франкфурта і ўключае не толькі футбольную арэну, але і іншыя спартыўныя збудаванні. Да іх адносяцца футбольныя пляцоўкі, басейн, тэнісны корт, пляцоўка для пляжнага валейбола і залы зімовых відаў спорту. Раней існавалі таксама веладром, каток і міні-поле для гольфа. Ад арэны праз галоўны вакзал Франкфурта ідзе электрычка (S-Bahn), побач са стадыёнам знаходзіцца таксама трамвайны прыпынак.

Значныя спартыўныя падзеі

• Чэмпіянат свету па футболе 1974
• Чэмпіянат свету па футболе 2006
• Чэмпіянат Еўропы па футболе 1988
• Кубак Канфедэрацый 2005
• Фінал Кубка УЕФА 1980
• Жаночы чэмпіянат свету па футболе 2011
• Фінал Кубка УЕФА сярод жанчын 2002, 2008
• Фінал Кубка Нямецкага футбольнага саюза 1966, 1969, 1976, 1982, 1984
• Суперкубак Нямецкага футбольнага саюза 1987, 1988
• Чэмпіянат Еўропы па амерыканскім футболе 2010

11 верасня 2010 г. на стадыёне прайшоў баксёрскі паядынак, у якім Уладзімір Клічко абараніў свае тытулы IBF, WBO і IBO ў цяжкай вазе, накаўтаваўшы ў дзесятым раўндзе былога чэмпіёна WBC нігерыйца Сэмюэла Пітэра.

Спасылкі

• Афіцыйны сайт Архівавана 3 сакавіка 2009.