Залатыя рогі з Галехуса

Копіі Залатых рогаў з Галехуса, выстаўленыя ў Нацыянальным музеі Даніі.
Залатыя рогі з Галехуса
Матэрыял	золата
Дацкі нацыянальны музей
Медыяфайлы на Вікісховішчы

Залатыя рогі з Галехуса — два залатых рога рознай велічыні, выяўленыя ў Галехусе на поўнач ад Цёндэра ў Паўднёвай Ютландыі (Данія). Даўжэйшы з рогаў быў знойдзены ў 1639 годзе, а другі — у 1734 годзе, усяго ў 15-20 метрах ад месца выяўлення першага. Рогі датуюцца V стагоддзем н.э., на іх намаляваны незразумелыя міфалагічныя фігуры. На меншым з рогаў маецца надпіс старэйшымі рунамі.

Арыгіналы рогаў былі напачатку XIX стагоддзя выкрадзены і пераплаўлены. На аснове захаваных замалёвак рогаў былі створаны копіі, якія захоўваюцца ў Нацыянальным музеі Даніі ў Капенгагене і ў музеі Мёсгард каля Орхуса. Копіі рогаў таксама выкрадаліся (і вярталіся) двойчы.

Літаратура

• Willy Hartner: Die Goldhörner von Gallehus. In: Bild der Wissenschaft, Stuttgart 1972,11,1210-1216.
• Willy Hartner: Die Goldhörner von Gallehus. F. Steiner, Stuttgart 1998. ISBN 351500078X