Цела круглаватае, даўжыня 8—24 см. Канцавіны кароткія, пярэднія лапы чатырохпальцавыя (кіпцюры двух сярэдніх пальцаў моцна павялічаны), заднія — пяціпальцавыя, з перапонкамі. Хвост рудыментарны, звонку не бачны. На носе маецца скурыстая, арагавелая падушачка, якая засцерагае пысу пры капанні; ноздры прыкрытыя скурыстай складкай. Поўсць густая, мяккая, чырвонага, жоўтага, аліўкавага ці карычневага колеру з металічным адлівам. Рудыментарныя вочы схаваныя пад скурай.
Адрозніваецца 9-10 родаў, каля 30 відаў. Эндэмікі Афрыкі. Насяляюць розныя ландшафты (галерэйныя лясы, саваны, пустыні, акіянічныя ўзбярэжжы) ў Паўднёвай, Цэнтральнай і Усходняй Афрыцы.
Вядуць падземны, рыючы спосаб жыцця, могуць выходзіць на дзённую паверхню. Кормяцца ў асноўным беспазваночнымі. У сухія ці халодныя перыяды на поўдні кантынента ўпадаюць у неглыбокую спячку.
.JPG)
