Кала-Патхар
| Кала-Патхар | |
|---|---|
| непал. काला पत्थर | |
 | |
| Найвышэйшы пункт | |
| Абсалютная вышыня | 5 645 м |
| Адносная вышыня | 10 м |
| Размяшчэнне | |
| 27°59′45″ пн. ш. 86°49′42″ у. д.HGЯO | |
| Краіна | |
| Рэгіён | Кхумбу |
| Горная сістэма | Гімалаі |
| Хрыбет ці масіў | Кхумбу-Хімал |
 Медыяфайлы на Вікісховішчы | |
Кала-Патхар (непальск. काला पत्थर — «Чорная скала») — горная вяршыня ў сістэме Гімалаяў, з’яўляецца паўднёвым выступам гары Пумары. Асобнай вяршыняй Кала-Патхар лічыцца вельмі ўмоўна, бо яе адносная вышыня складае ўсяго 10 метраў. Узыходжанне на Кала-Патхар вельмі папулярнае сярод турыстаў-альпіністаў у сувязі з адноснай лёгкасцю, а таксама з-за выдатнага віду на Сагарматху (ад падножжа да вяршыні), які адкрываецца з вяршыні. Акрамя найвышэйшай гары свету, з Кала-Патхар адкрываецца цудоўны выгляд на вяршыні Нупцзэ, Чангзэ і Лхоцзэ. З 2011 года на Кала-Патхар працуе самая высокая вэб-камера ў свеце.
Узыходжанне на Кала-Патхар займае 1,5-2 гадзіны, калі ісці ад Гаракшэп (5164 м н.у.м.), або 3,5-5 гадзін, калі ад Лабучэ (4940 м н.у.м.)
У снежні 2009 года, з мэтай прыцягнення сусветнай увагі да праблемы змены клімату на планеце, на вяршыні Кала-Патхара пабываў прэм’ер-міністр Непала Мадхаў Кумар Непал, які правёў там кароткую нараду з Кабінетам міністраў.
 | Артыкулу нестае спасылак на крыніцы. |