Ліза Кэрынгтан
Ліза Кэрынгтан | |
---|---|
![]() | |
Агульная інфармацыя | |
Пол | жанчына |
Спецыялізацыя | веславанне на байдарках і каноэ |
Нарадзілася |
23 чэрвеня 1989 (35 гадоў) |
Грамадзянства | |
Альма-матар | |
Рост | 168 см |
Вага | 53 кг |
![]() |
Ліза Кэрынгтан (англ.: Lisa Carrington; нар. 23 чэрвеня 1989, Таўранга, Бей-оф-Пленты) — новазеландская вяслярка на байдарках, пяціразовая алімпійская чэмпіёнка (2012, 2016, 2020), 10-разовая чэмпіёнка свету. Рэкардсменка сярод новазеландцаў па колькасці алімпійскіх медалёў, як залатых, так і агулам. Член новазеландскага ордэна Заслуг (MNZM, 2013 года).
Біяграфія
[правіць | правіць зыходнік]Нарадзілася ў 1989 годзе ў г. Таўранга, пасля жыла ў Факатанэ. Бацька — прадстаўнік народа маоры. У 2009 годзе новазеландка ў пары з Тынейл Хатан заваявала першы медаль сусветнага кубка, заваяваўшы бронзу на спаборніцтвах у Сегедзе на кіламетровай дыстанцыі. У той жа дысцыпліне Кэрынгтан праз год атрымала першую ў кар’еры перамогу ў Вішы.
У тым жа годзе на чэмпіянаце свету ў Познані новазеландскі дуэт заняў дзевятае месца на дыстанцыі 1000 м у байдарцы двойцы. У 2011 годзе на першынстве ў Сегедзе Кэрынгтан выйграла золата ў асабістым заездзе на спрынтарскай дыстанцыі 200 м, стаўшы першай новазеландкай, якая стала чэмпіёнкай свету па веславанні на байдарцы.
На Алімпіядзе ў Лондане Кэрынгтан выступала ў двух відах праграмы. У двойцы на дыстанцыі 500 м яна выступіла з Эрын Тэйлар і стала сёмай. А ў байдарцы-адзіночцы на 200 м новазеландка стала наймацнейшай, заваяваўшы званне алімпійскай чэмпіёнкі.
На чэмпіянатах свету ў Дуйсбургу і Маскве Кэрынгтан даказвала, што з’яўляецца наймацнейшай на дыстанцыі 200 м, заваяваўшы на кароннай дыстанцыі 2 залатыя, а таксама выйграўшы бронзу і срэбра на 500 м.
У 2012 годзе Лізу Кэрынгтан прызналі найлепшай маарыйскай спартсменкай года, а ў 2013 годзе яна стала кавалерам Ордэна Заслуг.
У 2021 годзе на перанесеных з-за пандэміі каранавіруса Алімпійскіх гульнях у Токіа заваявала тры залатыя медалі — на дыстанцыях 200 м і 500 м у байдарцы-адзіночцы і на 500 м у байдарцы-двойцы з Кейтлін Рэга, стаўшы самым тытулаваным новазеландскім спартсменам.
Зноскі
- ↑ http://www.celebrityspeakers.co.nz/lisa-carrington/
- ↑ http://www.olympic.org.nz/system/files/attachments/NZOC%20Olympic%20Stories_Lisa%20Carrington_FINAL.pdf
- ↑ http://www.bbc.co.uk/sport/olympics/2012/countries/new-zealand
- ↑ http://www.bbc.co.uk/sport/olympics/2012/athletes/f378608b-5540-45ed-a717-19f559463b73
- Нарадзіліся 23 чэрвеня
- Нарадзіліся ў 1989 годзе
- Нарадзіліся ў рэгіёне Бэй-оф-Пленці
- Асобы
- Спартсмены паводле алфавіта
- Весляры на байдарках і каноэ Новай Зеландыі
- Алімпійскія чэмпіёны ад Новай Зеландыі
- Алімпійскія чэмпіёны па веславанні на байдарках і каноэ
- Чэмпіёны летніх Алімпійскіх гульняў 2012 года
- Чэмпіёны летніх Алімпійскіх гульняў 2016 года
- Чэмпіёны летніх Алімпійскіх гульняў 2020 года
- Бронзавыя прызёры летніх Алімпійскіх гульняў 2016 года
- Весляры на байдарках і каноэ на летніх Алімпійскіх гульнях 2012 года
- Весляры на байдарках і каноэ на летніх Алімпійскіх гульнях 2016 года
- Весляры на байдарках і каноэ на летніх Алімпійскіх гульнях 2020 года
- Чэмпіёны свету па веславанні на байдарках і каноэ