Малдова і НАТА
| Малдова і НАТА | |||||
|---|---|---|---|---|---|
 | |||||
|
|||||
Супрацоўніцтва паміж Малдовай і НАТА пачалося яшчэ ў 1992 годзе, яна далучылася да Савета паўночнаатлантычнага супрацоўніцтва, перайменаванага ў Савет еўраатлантычнага партнёрства ў 1997 годзе. Савет аб’ядноўвае 50 краін у рамках шматбаковага форуму, які забяспечвае працэс дыялогу і кансультацый па пытаннях палітыкі і бяспекі сярод краін-членаў НАТА і краін-партнёраў. СЕАП з’яўляецца агульнай палітычнай структурай, у рамках якой развіваецца супрацоўніцтва паміж НАТА і краінамі-партнёрамі на Еўраатлантычным прасторы, а таксама двухбаковыя адносіны паміж НАТА і асобнымі краінамі-партнёрамі, якія ўдзельнічаюць у праграме «Партнёрства дзеля міру». І адразу ж у 1994 годзе Малдова далучаецца да Партнёрства дзеля міру.
НАТА і Рэспубліка Малдова актыўна супрацоўнічаюць у розных сферах і ўвесь час паглыбляюць практычнае супрацоўніцтва. Індывідуальны план партнёрства Рэспубліка Малдова — НАТА падпісаны 19 мая 2006. Ключавой мэтай механізму з’яўляецца ўмацаванне палітычнага дыялогу і кансультацыі паміж НАТА і Рэспублікай Малдова з мэтай забеспячэння супрацоўніцтва для заахвочвання і падтрымкі ўнутраных і знешніх умоў для прасоўвання дэмакратычных рэформаў. У рамках гэтага пашыранага дыялогу Малдова атрымала магчымасць абмеркаваць і зацвердзіць жаданне і здольнасць ажыццяўляць асноўныя прынцыпы ўнутранай і знешняй палітыкі, выкладзеныя ў Рамачным дакуменце Партнёрства дзеля міру і ў дакуменце Савета еўраатлантычнага партнёрства. Індывідуальны план партнёрства Рэспубліка Малдова — НАТА складаецца з чатырох асноўных раздзелаў:
- Палітычныя праблемы і праблемы бяспекі;
- Ваенныя і абарончыя праблемы;
- Інфармаванне грамадскасці, навука і планаванне надзвычайных сітуацый;
- Адміністрацыйныя аспекты, абарона інфармацыі і рэсурсаў, якія змяшчаюцца ў дзвюх асобных частках: асноўныя палітычныя мэты рэфармавання Рэспублікі Малдова і вобласці рэфармавання, якія з’яўляюцца прадметам кансультацый.