Місурыйскі паўднёвы дзяржаўны ўніверсітэт

Місурыйскі паўднёвы дзяржаўны ўніверсітэт
англ.: Missouri Southern State University
Арыгінальная назва	англ.: Missouri Southern State University
Заснаваны	1937
Студэнты	5 045
Краіна	ЗША
Размяшчэнне	Джоплін, Місуры, ЗША
Сайт	mssu.edu
Медыяфайлы на Вікісховішчы

Місурыйскі паўднёвы дзяржаўны ўніверсітэт (англ.: Missouri Southern State University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Джоплін у штаце Місуры, ЗША.

Гісторыя

Вучэльня была заснавана ў 1937 годзе як Джоплінскі малодшы каледж. На момант стварэння ў ім было 114 навучэнцаў і ўсяго 9 выкладчыкаў. У 1964 годзе быў схвалены выпуск аблігацый, каб пачаць будаўніцтва новага кампуса, дзе ў цяперашні час размешчаны ўніверсітэт. Новы кампус адкрыўся восенню 1967 года, у ім навучалася 2399 студэнтаў і працавала 95 выкладчыкаў. У 1977 годзе вучэльня была перайменавана ў Місурыйскі паўднёвы дзяржаўны каледж і афіцыйна стала чатырохгадовай установай адукацыі. У 2003 годзе заканадаўчы сход штата Місуры санкцыянаваў перайменаванне каледжа ў Місурыйскі паўднёвы дзяржаўны ўніверсітэт у Джопліне. У 2005 годзе ўніверсітэт выключыў назву горада са свайго афіцыйнага наймення. У 1967 годзе ва ўніверсітэцкім кампусе было шэсць будынкаў. У 1973 годзе быў пабудаваны будынак цэнтра выканальніцкіх мастацтваў, у 1992 годзе адкрыўся будынак камунікацый і сацыяльных навук. Затым універсітэт завяршыў будаўніцтва будынка навук аб здароўі, закладзены ў маі 2008 года і пабудаваны на грошы штата Місуры.

Структура

• Каледж мастацтваў і навук
• Каледж бізнесу, камунікацый і тэхналогій
• Каледж здароўя, навук пра жыццё і адукацыі

Гл. таксама

• Спіс універсітэтаў штата Місуры

Спасылкі

• На Вікісховішчы ёсць медыяфайлы па тэме Місурыйскі паўднёвы дзяржаўны ўніверсітэт
• Афіцыйная інтэрнэт-старонка ўстановы