Пажар у царкве Эль-Гізы
14 жніўня 2022 года падчас нядзельнага богаслужэння ў копцкай царкве Абу-Сіфін у горадзе Эль-Гіза на ўскраіне Каіра, Егіпет, здарыўся пажар. Міністэрства аховы здароўя і народанасельніцтва Егіпта паведаміла, што загінуў 41 чалавек, у тым ліку некалькі дзяцей, і 12 чалавек атрымалі раненні[1][2][3][4]. Святар царквы, Абдул Масіх Бахіт, быў сярод загінулых[3][5]. Пажар стаў адной з самых трагічных падзей у найноўшай гісторыі Егіпта.
Храналогія падзей[правіць | правіць зыходнік]
14 жніўня падчас нядзельнага богаслужэння ў царкве Абу-Сіфін сабралася не менш за 5 тыс. чалавек[6][7][8]. Пажар пачаўся незадоўга да 9 гадзін раніцы (UTC+02:00)[9]. Па звестках Reuters, агонь заблакаваў галоўны ўваход[9], а эвакуацыйны выхад не быў прадугледжаны[10]. Людзі, якія знаходзіліся на трэцім і чацвёртым паверхах, сталі падаць адзін на аднаго[8]. Відавочцы паведамілі, што людзі спрабавалі выскачыць з вокнаў, каб выратавацца ад агню[11]. На месца пажару было накіравана 15 пажарных машын[12]. Ратавальнікі і карэты хуткай дапамогі прыбылі толькі праз адну гадзіну[10].
Прычына ўзгарання[правіць | правіць зыходнік]
У МУС Егіпта заявілі, што пажар быў выкліканы няспраўным кандыцыянерам на другім паверсе царквы[8], дзе знаходзіліся некалькі навучальных класаў[6][13]. Выданне Egypt Today паведаміла, што сцены ў царкве былі з драўляным аздабленнем, з-за чаго агонь змог хутка распаўсюдзіцца на вялікай плошчы[7].
Загінулыя і пацярпелыя[правіць | правіць зыходнік]
Па дадзеных Міністэрства аховы здароўя, большасць загінула ад удушэння дымам[6] і ад таго, што іх затапталі ў цісканіне пры спробе выбрацца з будынка[4]. Па дадзеных адной з мясцовых бальніц, паступіла 20 цел, сярод якіх 10 дзяцей, у той час як у іншую мясцовую бальніцу паступіла 21 цела[11]. Прадстаўнік Копцкай праваслаўнай царквы Муса Ібрагім заявіў, што пахаванне загінуўшых пройдзе ў дзвюх цэрквах у суседнім раёне Эль-Варак[12].
Расследаванне[правіць | правіць зыходнік]
Генеральны пракурор Егіпта Хамада эль-Саві распарадзіўся правесці расследаванне пажару, у царкву была накіравана група пракурораў[12].
Зноскі
- ↑ Salem, Mostafa. Children among dozens killed in Egypt church fire. CNN (14 жніўня 2022). Праверана 14 жніўня 2022.
- ↑ 41 dead, 12 injured in Church of Abu Sefein blaze in Imbaba. Daily News Egypt (14 жніўня 2022). Праверана 14 жніўня 2022.
- ↑ а б At least 41 killed in Egyptian church fire, security sources say. Reuters (14 жніўня 2022). Праверана 14 August 2022.
- ↑ а б Fire at Egypt Coptic Church Kills Dozens During Sunday Prayers. The New York Times (14 жніўня 2022). Праверана 14 жніўня 2022.
- ↑ A fire at a church in Cairo kills 41 people and hurts 14 others. NPR.org (14 жніўня 2022). Праверана 14 жніўня 2022.
- ↑ а б в Р. И. А. Новости. СМИ сообщили о более 40 погибших в результате пожара в церкви в Египте (руск.). РИА Новости (14 жніўня 2022). Праверана 14 жніўня 2022.
- ↑ а б Более 40 человек погибли при пожаре в церкви в Египте (руск.). www.kommersant.ru (14 жніўня 2022). Праверана 14 жніўня 2022.
- ↑ а б в В Египте из-за пожара в церкви погибли более 40 человек, в основном — дети (руск.). Meduza. Праверана 15 жніўня 2022.
- ↑ а б Hassan, Ahmed Mohamed (2022-08-14). "Egyptian church fire kills at least 41, most of them children". Reuters. Праверана 2022-08-14.
- ↑ а б В Каире простились с 41 жертвой пожара в церкви (руск.). euronews (15 жніўня 2022). Праверана 15 жніўня 2022.
- ↑ а б Magdy, Samy. Officials: Fire at Coptic church in Cairo kills 41, hurts 14. Washington Post (14 жніўня 2022). Праверана 14 жніўня 2022.
- ↑ а б в "41 killed in Egypt church fire, including many children". Аль-Джазира [англійская]. 14 августа 2022. Праверана August 14, 2022.
{{cite news}}: Пададзена больш чым адно значэнне|accessdate=і|access-date=specified (даведка); Праверце значэнне даты ў:|date=(даведка)Папярэджанні CS1: url-status (link) - ↑ В МВД Египта назвали причину пожара в церкви Каира, где погиб 41 человек (руск.). Газета.ру (14 жніўня 2022).