Прагляд зыходнага тэксту старонкі Порт-Філіп

{{coord|38|09|S|144|52|E|display=title|region:AU_type:waterbody}}
{{Заліў
|Назва = Порт-Філіп
}}
'''Порт-Філіп''' ({{lang-en|Port Phillip Bay}}) — буйны [[заліў]] [[Ціхі акіян|Ціхага акіяна]] на поўдні штата [[Вікторыя (штат)|Вікторыя]] ў [[Аўстралія|Аўстраліі]]. Плошча заліва — 1930 км², агульная даўжыня берагавой лініі — 264 км. Заліў Порт-Філіп лічыцца вельмі мелкім для заліваў блізкага памеру. У самым глыбокім месцы — 24 метры, а на большай частцы заліў мяльчэй за 8 метраў<ref>{{Cite web|lang=en|url=https://portphillipwesternport.rcs.vic.gov.au/local-areas/port-phillip-bay/|title=Port Phillip Bay {{!}} Port Phillip & Western Port Regional Catchment Strategy|access-date=2023-08-24}}</ref>. Аднак вялікая частка акваторыі заліва Порт-Філіп суднаходная.

Геалагічна Порт-Філіп даволі малады, калі параўноўваць з іншымі часткамі Аўстраліі і свету. Порт-Філіп сфарміраваўся паміж канцом апошняга [[Ледніковы перыяд|ледавіковага перыяду]] каля 8 тыс. гадоў да н.э і прыблізна 6 тыс. гадоў да н.э. Праз раставанне ледавікоў узровень мора падняўся і затапіў тэрыторыі, якія раней былі нізоўем ракі [[Яра]], рачнымі раўнінамі, балотамі і азёрамі.<ref name=":0">{{Cite web|lang=en-US|url=https://bayfishntrips.com.au/|title=Port Phillip Bay (Part 1) - Overview and history|website=Bay Fish N Trips|access-date=2023-08-24}}</ref>

Тэрыторыя, якая прылягае да заліва, да прыходу еўрапейцаў належала племянным саюзам [[вазаронг]] (на захадзе), [[вурунджэры]] (на поўначы) і [[бунваранг]] (на поўдні і ўсходзе), якія засяліліся на гэтыя тэрыторыи яшчэ да часоў, калі заліў сфарміраваўся, прыйшлі сюды не меней за 20 тыс. гадоў таму<ref name=":0" />. Воды заліва насяляюць такія прадстаўнікі жывога свету, як [[капскі марскі коцік]], [[кіт]]ы, [[дэльфін]]ы, [[карал]]ы, шматлікія птушкі і вялікая колькасць відаў рыб.

Першымі еўрапейцамі, якія пабылі тут, лічыцца каманда карабля ''«Lady Nelson»'' пад камандаваннем [[Джон Мюрэй|Джона Мюрэя]] і праз дзесяць тыдняў за імі экспедыцыя [[Мэцью Фліндэрс]]а на караблі ''«Investigator»'', абедзве ў 1802 годзе<ref name=":0" />. Першая спроба каланізаваць узбярэжжа заліва здзейснена ў 1803 годзе, калі створана катаржнае паселішча паблізу сучаснага [[Сарэнта (Вікторыя)|Сарэнта]]. Гэта было першае еўрапейскае паселішча на тэрыторыі сучаснай [[Вікторыя (штат)|Вікторыі]]. Тым не менш, калонія пакінута ўжо ў 1804 годзе. Толькі праз 30 гадоў здзейснена новая спроба пасяліцца тут, калі група пасяленцаў з [[Тасманія|Тасманіі]] ў 1835 годзе заснавала [[Мельбурн]] на рацэ [[Яра|Яры]], паблізу месца яе ўпадзення ў заліў. У 1838 годзе заснаваны горад [[Джэланг]].

== Крыніцы ==
{{Крыніцы}}

{{Няма крыніц|дата=2022-06-23}}

[[Катэгорыя:Залівы Ціхага акіяна]]
[[Катэгорыя:Залівы Аўстраліі]]